1 Minkte 4 - Kalate Zambe Nnomo a Mfefe Mfefé Nkôñelan

Mvoñe bôte Yuda

¹ Bone be Yuda: Pérés, Etsroñ, Karmi, Hura Kôbal.

² Reaya, e mone Kôbal, a nga biaé Yahat; Yahat a nga biaé Ahumayi a Lahad. Mebum me bôt Besoréatieñ mme le.

³ Mvoñe bôte ésaa Etam nje nyô: Yizrél, Yisma a Yidba; jôé kale jap e mbe Hatselélpôni.

⁴ Penuél a mbe ésaa Gedor a Ezér ésaa Husa. Bone be Hur mbe le, ntôle mone Efrata ésaa Bétléhém.

⁵ Akhur, ésaa Tekôa, a nga lu'u binga bebaé, Héléa a Naara.

⁶ Naara a nga biaé nye Ahuzam, Héfer, Témeni a Ahaktari: bone be Naara mbe le.

⁷ Bone be Héléa: Sérét, Sôhar a Etnan.

⁸ Kôt a nga biaé Anub a Hatsobéba a mebum Beaharehél, e mone Harum.

⁹ Be nga semé Yaébet a dañe bobenyañ, nyia a nga yôlé nye jôé na Yaébet a jô'ô na: Amu me nga biaé nye e mintaé été.

¹⁰ Yaébét a nga ye'elane Zambe ya Israél a jô na: Nge wo jalé ma a bibotan, a nene minné miam nge wo wôé ô ne be ma nge wo bo na, ôyab a bidim, me fame mintaé! Ane Zambe a nga ve nye e mam a nga sili.

¹¹ Kelub, monyañe Suha, a nga biaé Mehir, nye a mbe ésaa Ektôn.

¹² Ektôn a nga biaé e *nda Rafa, Paséa a Tehina, ésaa tisone Nahak. Bôte ya Réka mbe le.

¹³ Bone be Kenaz: Otniél a Seraya. Bone be Otniél: Hatat

¹⁴ a Méônôtayi nyô a nga biaé Ofra. Seraya a nga biaé Yôab, ésaa mbi'ili belui biôm; amu be mbe belui biôm.

¹⁵ Bone be Kaléb e mone Yefuné: Iru, Ela a Naam, a bone b'Ela, a Kenaz.

¹⁶ Bone be Yehaléleél: Zif, Zifa, Tirya a Azarél.

¹⁷ Bone be Esdras: Yeter, Meréd, Efer a yalôn. E minga Méréd a nga biaé Miriam, Samayi a Yisba ésaa Ektemôa.

¹⁸ E minga Meréd ate, ngone ya Yudée, a nga biaé Yéréd, ésaa Gedor, Héber ésaa Sôkô a Yekutiél, ésaa Zanôa. Bone be Bitia, ngone Faraoñ, nje Méréd a nga luk mbe le.

¹⁹ Bone be minga Hôdiya, kale Naham: ésaa Kéla, mone Garmieñ, a Ektemôa, mone Maakatieñ.

²⁰ Bone Be Simon: Amnon, Rinna, Ben-Hanan a Tilôn. Bone be Yiseyi: Zôhét a Ben-Zôhét.

²¹ Bone be Séba e mone Yuda: Er, ésaa Léka, Laéda, ésaa Marésa, a mebume me bôte ya e *nda ba bo ésaé sut a ma ya e *nda Akbéa,

²² a Yôkim, a bôte ya Kôzéba, Yôak a Saraf, mbe be nga jôô Môab a Yakubi-Léhem. Mam mete me ne minnôme mi mam.

²³ Be mbe bemé mevie'e bikon, a e bôte be too mefub a e bilum été; be nga too valé ba be njô bôt, be bo'o nye bisaé.

Mvoñe bôte Siméoñ

²⁴ Bone be Siméoñ: Nemuél, Yamin, Yarib Zéra, Saül;

²⁵ Salum e mone wé; Mibsam e mone wé, mikma e mone wé.

²⁶ Bone be Mikma: Hamuel e mone wé.

²⁷ Simeyi a nga biaé bobefam awôm a besaman a bobebinga besaman. Bobenyañ be nji ke biaé abui *bon. Mebum me bôte map mese me nji ke fôé ane bone be Yuda.

²⁸ Be nga too e Birséba, e Môlada a e Hatsar-Kual,

²⁹ e Bila, e Etsém, e Tôlad,

³⁰ e Bétuél, e Horma, e Tiklag,

³¹ e Bét-Markabôt, e Hatsar-Susim, e Bét-Bireyi a e Saarayim. Bitisone biap a minlame miap mbie le,

³² a kui éyoñe David a nga jôô, avale te fe bitisone bi: Etam, Ayin, Rimôn, Tôkén a Akan;

³³ ô laté a minlam mia bômane bitison bite a kui Baal. Bitaba'a biap a bindane biap mbie le.

³⁴ Mekôbad; Yamlek; Yôka e mone Amatsia;

³⁵ Yôél, Yéhu e mone Yôkibia e mone Seraya, e mone Asiél,

³⁶ Elioénayi, Yaakôba; Yekôhaya, Asaya, Adiel, Yesimiél, Benaya,

³⁷ Ziza e mone Sifeyi e mone Alôn, e mone Yedaya, e mone Simri, e mone Semaéya.

³⁸ Ba bi ndôme tote biyôlé le be mbe bivet e mebume map a menda me bôte map me nga fôé abui.

³⁹ Be nga ke mfa'a anyiine Gedor a kui e mbi'ili mfa'a jôp da tôô, na be jeñe bidi asu mimbame biyeme miap.

⁴⁰ Be nga yene bidi bi ne abeñ a abui éfuse si éziñ é too anen a évôvoé, e vôme mvoñe bôte Sam é nga too melu mvus.

⁴¹ Melu Ezékias, njô bôte ya Yuda, bôte bete be nga suan, e môé map me too ntilan; be nga tyame menda bindelé a bitaba'a bise be nga koone bie valé, be nga mane jiane bôte ya si éte a kui môse wu, a be nga tabe éjiane jap, amu bidi bi mbe valé asu bone mimbame biyeme miap.

⁴² Bone be Siméoñ fe, bôte mintete mitan, be nga ke e minkôle ya Séyir. Pelatia, Nearia, Refaya a Uziél, bone Yiseyi be too bivete biap.

⁴³ Be nga mane wôé *mebuka'a ya Beamalésite be nga mane tup a tabe valé a zu kui e môse wu.