1 Minkte 2 - Kalate Zambe Nnomo a Mfefe Mfefé Nkôñelan

Bone be Yakob awôm a bebaé a mvoñe bôte Yuda

¹ Môé me bone b'Israél mme ma: Ruben, Siméon, Lévi, Yuda, Isakar, Zabuloñ,

² Dan, Yôsep, Bényamin, Néftali, Gad a Azér.

³ Bone be Yuda: Er, Onan, Séla; belale bete mbe, e monaminga Kua, ngone ya Kanaan a nga biaé nye; Er, ntôle mone Yuda, ô mbe *abé e mise me Nti: ane a nga wôé nye.

⁴ Tamar, mbome Yuda, a nga biaé nye Pérés a Zéra. Bone be Yuda bese be mbe betan.

⁵ Bone be Pérés: Etsroñ a Hamul.

⁶ Bone be Zéra: Zimri, Etan, Héman, Kalkol a Dara, bese betan.

⁷ Bone be Karmi: Akar, nye a nga dutu Israél minjuk éyoñ a nga ba'ale ngabe ya biôm bi mbe ntiñetane ya jañ.

⁸ Bone b'Etan: Azaria.

⁹ E bone Etsroñ a nga biaé: Yerameél, Ram a Kelubayi. Bone be Yakob.

¹⁰ Ram a nga biaé Aminadab, Aminadab a nga biaé Nahsôn, évete bone be Yuda.

¹¹ Nahsôn a nga biaé Salma. Salma a nga biaé Bôaz.

¹² Bôaz a nga biaé Obéd. Obéd a nga biaé Izayi.

¹³ Izayi a nga biaé Eliab, ntôle mone wé, Abinadab ki nyô baa, Siméa e nyô lale.

¹⁴ Natanaél a mbe nyô nyini, Radayi e nyô tane,

¹⁵ Otsém e nyô samane, David e nyô zamgbwale.

¹⁶ Bekale bap be mbe môé na: Seruya a Abigayil. Bone be Seruya be mbe na: Absayi, Yôab a Asaél, bese belaa.

¹⁷ Abigayil a nga biaé Amasa; ésaa Amasa a mbe Yéter, mone Ismaélite.

¹⁸ Kaléb, e mone Etsroñ, a nga biaé *bon ba be binga bé Azuba a Yériôt. E bone ba Azuba be nga biaé mbe ba: Yéser, Kôbab a Ardôn.

¹⁹ Eyoñ Azuba a wuya, Kaléb a nga lu'u Efrat, nyô a nga biaé nye Hur.

²⁰ Hur a nga biaé Uri a Uri a nga biaé Betsaleél.

²¹ Ane Etsroñ a nga ke bômbô ngone Makir, ésaa Galad. A nga lu'u nye valé émien a ntoo mimbu mewôm mesaman, nde a nga biaé nye Ségub.

²² Ségub a nga biaé Yayir nyô a nga bili bitison mewôm mebaé a bilaa e si ya Galad.

²³ Begézurieñ a Besirieñ be nga nyoñe be bitison bi too môé na Yayir, Kenat a mewôm me ne éjôé jé, bise bitison mewôm mesaman. Balé bete bese be mbe bone be Makir, ésaa Galad.

²⁴ E Mvus awu Etsroñ e Kaléb-Efrata, Abiya e minga Etsroñ a nga biaé nye Askur ésaa Tekôa.

²⁵ Bone be Yérahmeél, ntôle mone Etsroñ, be mbe: Ram, ntôle mon, Buna, Orén a Otsem, Ahiya.

²⁶ Yerahmeél a nga lu'u minga mfe jôé na: Atara, nye a mbe nyia Onam.

²⁷ Bone be Ram, ntôle mone Yerahmeél, be mbe na: Maats, yamin a Eker.

²⁸ Bone b'Onam be mbe na: Sammayi a Yada. Bone be Sammayi: Nadab a Abisur.

²⁹ E minga Abisur a mbe jôé na: Abihayil, nde a nga biaé nye Ahban a Môlid.

³⁰ Bone be Nadab: Séled a Apayim. Séled a nga wu teke mon.

³¹ Bone be Apayim: Yiseyi. Bone be Yiseyi: Sésan. Bone be Sésan: Alayi.

³² Bone be yada, monyañe Sammayi: Yéter a Yônatan. Yéter a nga wu teke mon.

³³ Bone be Yônatan: Pélét a Zaza. Bone be Yérahmeél mbe le.

³⁴ Sésan a nji bi bobefam, ve a nga bili bobebinga. Sésan a nga bili *ôlo ô too mon Ejiptieñ jôé na Yara.

³⁵ Sésan a nga ve Yara, *ôlo vié ngo jé a lu'u je; ngon éte é nga biaé nye Atayi.

³⁶ Atayi a nga biaé Natan, Natan a nga biaé Zabad;

³⁷ Zabad a nga biaé Eflal; Eflal a nga biaé Obéd;

³⁸ Obéd a nga biaé Yéhu; Yéhu a nga biaé Azaria;

³⁹ Azaria a nga biaé Hélét; Hélét a nga biaé Elasa;

⁴⁰ Elasa a nga biaé Sismayi; Sismayi a nga biaé Salum;

⁴¹ Salum a nga biaé Yekamya; Yekamya a nga biaé Elisama.

⁴² Bone be Kaléb, monyañe Yerahmeél: Mésa, ntôle mone wé, nye a mbe ésaa Zif, a bone be Marésa, ésaa Ebroñ.

⁴³ Bone b'Ebroñ: Kôra, Tapua, Rékém a Sema.

⁴⁴ Sema a nga biaé Raham, ésaa Yorkeam. Rékém a nga biaé Sammayi.

⁴⁵ Bone be Sammayi: Maôn; a Maôn a mbe ésaa Bét-Sur.

⁴⁶ Efa, ébone Kaléb a nga biaé Harañ, Môtsa a Gazéz. Harañ a nga biaé Gazéz.

⁴⁷ Bone be Yadayi: Régém, Yôtam, Gésan, Pelét, Efa a Saaf.

⁴⁸ Maaka, ébone Kaléb, a nga biaé Séber a Tirhana.

⁴⁹ A nga biaé fe Saaf, ésaa Madmana a Seva ésaa Makbéna a ésaa Gibéa. Ngone Kaléb é mbe Aksa.

⁵⁰ Bana be mbe bone be Kaléb: Kôbal, e mone Hur, ntôle mone Efrata a ésaa Kiryat-Yearim.

⁵¹ Salma, ésaa Bétléhém, Haréf, ésaa Bét-Gédér.

⁵² Bone be Kôbal, ésaa Kiryat-Yearim be mbe na: Harôé Hatsi-Hammenuhôt.

⁵³ Mebum me bôte me Kiryat-Yearim me mbe na: Beyetérieñ, Bepurieñ, Bekumatieñ a Bemikrayieñ; E ne Besoréatieñ be nge so be nalé fe Beéktaôlieñ.

⁵⁴ Bone be Salma: Bétléhém a Benetôfatieñ, Arrôt-Bét-Yôab, Hatsi-Hammanati, Besoréieñ;

⁵⁵ Mebum me bôt me betili bekalate me nga too Yaébét Betiréatieñ, Besiméatieñ a Besukatieñ. Be mbe Bekénieñ, be so'o be Hamat ésaa *nda bôte Rékab.