Tito 2 - Apam Foforɔ

¹ Nso wo Tito deɛ, ɔsɛ sɛ wokyerɛkyerɛ nkyerɛkyerɛ a odi mu.

² Kasa kyerɛ nkokora sɛ bɛnnyɔ bibi mma ɔntraso, bɛma bɛ anim nyɛ duru, na bɛmfa nyansa, dɔ ne boasetɔ nyɛ dene gyidie he mu.

³ Saa ara nso ne mmerewafoɔ he nso, kasa kyerɛ bɛ sɛ bɛma buo nna adi bɛ abrabɔ mu, bennni nsekuro na bɛmma nsa nso mfa bɛ nommum; ɔsɛ sɛ bɛkyerɛkyerɛ nea ɔyɛ,

⁴ na bɛatete mmabaa ama bɛadɔ bɛ kununom ne bɛ mma,

⁵ na bɛadwene adwene pa, ahyɛ bɛ ho so, ayɔ bɛ fie nnwuma yie; benya ayamyɛ, ahoteɛ mu, na bɛmmrɛbrɛ bɛ ho ase mma bɛ kununom, sɛdeɛ ɔbɛyɛ a nnipa onya asɛmmɔne bi nka mfa Nyankopɔn asɛm he ho.

⁶ Saa ara ne tu mmeranteɛ nso fo sɛ, bɛnhyɛ bɛ ho so.

⁷ Na bibiaa mu he, yi wo ho adi sɛ nnwuma pa nhwɛsoɔ, nkyerɛkyerɛ mu yi pɛyɛ, animuduro,

⁸ asɛmpa a ɔyɛ a bennya ho asɛm bi nka adi, na deɛ ɔne yɛ anya he afɛre, efiri sɛ onni yɛ ho bɔne biaa ka.

⁹ Kasakyerɛ nkoa sɛ bɛmmrɛbrɛ bɛ ho ase ma bɛ wuranom na bɛasɔ bɛ wuranom ani adeɛ nyinaa mu; bennyiyi bɛ wuranom nsɛm ano,

¹⁰ bennwia adeɛ mfiri bɛ wuranom fotoɔ mu, na mmom benni nɔkorɛ turodoo ade nyinaa mu, sɛdeɛ ɔbɛyɛ a bebeyi Nyankopɔn a ɔyɛ yɛ Agyenkwa he nkyerɛkyerɛ ayɛ.

¹¹ Na Nyankopɔn adom a ɔde nkwagyeɛ ma nnipa nyinaa he ada adi,

¹² na ɔkyerɛkyerɛ yɛ sɛ yɛmpo fi nnoɔma nyinaa ne wiase akɔnnɔ, na yɛmfa adwenemteɛ, ahoteɛ ne nyamesom pa mmɔ yɛ bra saa mmerɛ yi mu,

¹³ mmerɛ a yɛɛtwɛne yɛ Nyankopɔn kɛseɛ ne yɛ Agyenkwa Yesu Kristo ahotɔ anidasoɔ ne n’animuonyam ahoyie.

¹⁴ Ɔno ne de ne ho maeɛ ɔnam yɛ nti sɛ ɔbɛgye yɛ afiri amumuyɔ nyinaa mu na wate yɛ ho afa yɛ ayɛ ɔno ankasa ne nkurofoɔ a bɛbɔ mmɔdene nwuma pa mu.

¹⁵ Pae mu ka saa nsɛm yi; kɔ so tu fo na ka anim sɛdeɛ bɛama wo tumi sɛ yɔ he. Mma biaa mmmu wo animtia.