Romafoɔ 5 - Apam Foforɔ

Bembuo so aba

¹ Afei ɔnam sɛ bɛabu yɛ bem gyidie mu nti, yɛnam yɛ Awurade Yesu Kristo so anya asomdwie Nyankopɔn mu,

² ɔno so ne yɛnam anya saa adom a yegyina so yi; na yɛhoahoa yɛ ho anidasoɔ a yɛ wɔ no Nyankopɔn animuonyam mu.

³ Na ɔnyɛ yei nkoaa, na mmom yɛhoahoa yɛ ho ya yɛ amanehunu mu, yenim sɛ amanehunu de yɔkoduru ba,

⁴ na yɔkoduru de subane pa ba, na subane pa de anidasoɔ ba,

⁵ na anidasoɔ nni hwammɔ, efiri sɛ bɛnam Honhom Kronkron a bɛde ama yɛ he so ahwie Nyankopɔn dɔ agu yɛ akoma mu.

⁶ Na berɛ a yɛda so yɛ mmerɛ he, berɛ a ɔsɛ mu he Kristo wu maa nnebɔnyɛfoɔ.

⁷ Nɔkwasɛm ne sɛ, ɔbɛyɛ dene sɛ bi bewu ama deɛ ɔyɛ nipa tenenee mpo; na deɛ ɔyɛ nipa pa he deɛ, ebia nka bi besi ne bo sɛ obewu ama no.

⁸ Nso Nyankopɔn daa ne dɔ adi kyerɛɛ yɛ sɛ yɛda so yɛ nnebɔnyɛfoɔ he, Kristo wu maa yɛ.

⁹ Nea ɔka ho koraa ne sɛ, seesei bɛde ne mogyaa abu yɛ bem, bɛnam ne so bɛgye yɛ afiri Nyankopɔn abufuo mu.

¹⁰ Na sɛ berɛ a yɛyɛ Nyankopɔn atamfoɔ he, bɛnam ne Ba he wuo so apata yɛ ne Nyankopɔn ntam a, ɔbɛyɛ dɛ ne bɛmfa ne nkwa so nnye yɛ.

¹¹ Nso ɔnyɛ yei nkoaa, na mmom yɛnam yɛ Awurade Yesu Kristo so hoahoa yɛ ho Nyankopɔn mu, seesei deɛ, yɛnam ne so anya mpata yi.

Adam ne Kristo

¹² Saa nti ɔnam nipa baako so ne bɔne baa wiase, na wuo nam bɔne so baeɛ, maa wuo trɛ kaa nnipa nyinaa, efiri sɛ nnipa nyinaa ayɔ bɔne;

¹³ ansa na mmara he ɔɔba he na bɔne ya wiase, nso sɛ mmara nni hɔ a bemmu biaa fɔ bɔne ho.

¹⁴ Nso wuo faa nnipa nnommum firi Adam so kosii Mose so, mpo bɛ a bɛ bɔne nte sɛ Adam mmarato he, saa Adam yi yɛ nea na ɔɔba he ho nsɛso.

¹⁵ Na ɔnyɛ sɛdeɛ mmarato he teɛ ne adom akyɛdeɛ he nso teɛ, efiri sɛ baakofoɔ mmarato nti nnipa bebree awu a, Nyankopɔn Adom ne nipa baako a ɔno ne Yesu Kristo he mu adom akyɛdeɛ aboro so ama nnipa bebree akyɛne saa.

¹⁶ Na akyɛdeɛ a bɛde kyɛ kwa he nte sɛ nipa baako bɔne ho nsɛso he. Na atemmuo a ɔnam mmarato baako so he de afobuo baeɛ, nso akyɛdeɛ a bɛde kyɛ kwa he, a odi mmarato bebree akyi he de bembuo ba.

¹⁷ Sɛ ɔnam baakofoɔ mmarato so maa wuo faa nnipa nnommum saa kwane yi so a, mprɛ meɛhe ne bɛ a benyaa adom ne tenenee akyɛdeɛ a ɔboro so he mmom ɔmmfa nipa baako, Yesu Kristo, so nya daa nkwa.

¹⁸ Nti sɛnea nipa baako mmarato de bebree kɔɔ afobuo mu he, saa ne ɔnam baakofoɔ tenenee so de bembuo ne nkwa bɛma nnipa nyinaa.

¹⁹ Sɛnea ɔnam baakofoɔ asoɔdene so maa nnipa bebree yɛɛ nnebɔnyɛfoɔ he, saa ara ne nipa baako setie bɛma nnipa bebree ayɛ ahoteefoɔ.

²⁰ Nso mmara he baa sɛ mmarato bɛdɔɔso; nso sɛ bɔne dɔɔso a, adom broo so kyɛne saa.

²¹ Na sɛnea bɔne dii hene wuo mu he, adom so nam tenenee so adi hene afa yɛ Awurade Yesu Kristo so kɔ daa nkwa mu.