Marko 3 - Apam Foforɔ

Beema bi a na ne Nsa Adwodwo

¹ Na afei, Yesu kɔɔ hyiadane he mu, na beema bi ya hɔ a na ne nsa adwodwo.

² Na bɛhwɛɛ sɛ ɔbɛsa no yadeɛ homeda he anaa, na bɛde abu no fɔ.

³ Na ɔka kyerɛɛ nea ne nsa adwodwo he sɛ, “Bra ha!”

⁴ Na obisaa bɛ sɛ, “Mmɛ ne nipa wɔ ho kwane sɛ ɔyɔ no homeda, adepa anaa adebɔne, sɛ ɔbɛgye bi kra nkwa anaa ɔbɛma na asɛe?” Na biaa yɔɔ komm.

⁵ Na ɔde abufuo hwɛɛ bɛ nyinaa hyiaeɛ; na ne werɛ hoeɛ bɛ akoma dene he nti, na ɔka kyerɛɛ beema he sɛ, “Tene wo nsa.” Ɔteneeɛ, na ahoɔdene baa ne nsa he mu bio.

⁶ Na Farisifoɔ he firii abɔntene a pɛ, bɛ ne Herodefoɔ bɔɔ pɔ hwehwɛɛ kwane a bɛbɛfa so aku no.

Nnipadɔm Bebree ya Mpoano

⁷ Na afei Yesu ne n’asuafoɔ he twee bɛ ho kɔɔ mpoano, na nnipadɔm bebree firi Galilea ne Yudea dii n’akyi.

⁸ Bɛtee nea wayɔ nyinaa he, nnipadɔm firi Yerusalem, Idumea, Yordan agya, ɔne Tiro ne Sidon mantam mu baeɛ.

⁹ Ɔka kyerɛɛ n’asuafoɔ he sɛ dɔm he nti bensiesie kodoɔ mma no sɛdeɛ ɔbɛyɛ a bemmu mfa ne so.

¹⁰ Esiane sɛ na wasa bebree yadeɛ nti, bɛ a bɛwɔ yadeɛ nyinaa ba bɛkyere ne so sɛ bɛbɛsɔ ne mu.

¹¹ Berɛ biaa a ahonhom fi behu no he, bɛhwe ase n’anim teaam sɛ, “Wone Nyame Ba he!”

¹² Na ɔhyɛɛ bɛ ketee sɛ bɛnna no adi nkyerɛ biaa.

Yesu yii Dummienu he

¹³ Yesu kɔɔ bepɔ he so, na ɔtoo ne nsa frɛɛ bɛ a ohia bɛ ma bɛbaa ne nkyɛne.

¹⁴ Na oyii dummienu a ɔmaa bɛ abodini sɛ “Asomafoɔ” a bɛbɛka ne ho akɔ ka asɛmpa he,

¹⁵ na bɛanya tumi atu ahonhommɔne.

¹⁶ Nnipa dummienu bɛ he ne: Simon (ɔtoo no dini Petro),

¹⁷ Sebedeo ba Yakubu ɔne Yohane a ɔyɛ Yakubu nua (bɛ ne ɔmaa bɛ dini Bo-anerges, asekyerɛ ne Apranaa mma);

¹⁸ ne Andreo, ne Filipo, ne Bartolomeo, ne Mateo, ne Toma, ne Afeos ba Yakubu, ne Tadeo, ɔne Kanani Simon,

¹⁹ ne Yuda Iskariot a oyii Yesu mmaeɛ he. Na Yesu kɔɔ fie,

Yesu ne Beelsebul

²⁰ na nnipadɔm he sane behyiaa mu a na bennya aduane mpo nni.

²¹ N’abusuafoɔ teeɛ he, bɛkɔɔ sɛ beekosi no kwane, efiri sɛ na nkurofoɔ ɔɔka sɛ, “Ne ti nni hɔ”.

²² Na atwerɛfoɔ he a befiri Yerusalem baeɛ he kaa sɛ, “Ɔwɔ Beelsebul, na ɔde ahonhommɔne panyini he tumidie ne tutu ahonhom fi.”

²³ Na ɔfrɛɛ bɛ baa ne nkyɛne na ɔyɔɔ saa mfantoho yi kyerɛɛ bɛ sɛ, “Ɔbɛyɛ dɛ na Satan atutu Satan?

²⁴ Sɛ ahennie bi ne ne ho di asie a, ahennie he ntumi nnyina.

²⁵ Na sɛ mpaepaemu ya fie bi mu a, saa fie he ntumi nnyina.

²⁶ Na sɛ Satan asɔre atia ne ho na ne mu akyekyɛ a, ontumi nnyina, na mmom n’awieeɛ ne aba.

²⁷ Na bi ntumi nkɔ ahoɔdenfoɔ fie nkɔfom ne nnoɔma gye sɛ waakyekyere ahoɔdenfoɔ he, ansa na wafom fie hɔ nnoɔma.

²⁸ Nɔkorɛ, meeka akyerɛ ho sɛ, ɔde nipa bɔne ne abususɛm biaa a ɔbɛka bɛkyɛ no,

²⁹ nso deɛ ɔka abususɛm tia Honhom Kronkron he deɛ onnya bɔne fakyɛ, na daa afobuo da ne so.”

³⁰ Ɔkaa yei sɛ efiri sɛ na bɛɛkeka sɛ, “Ɔwɔ honhom fi.”

Yesu Abusua kann

³¹ Na afei Yesu maame ne ne nuanom baeɛ, na begyinaa abɔntene somaa sɛ bɛnkɔfrɛ no mmara.

³² Na nnipa atwa ne ho ahyia; na bɛka kyerɛɛ no sɛ, “Hwɛ, wo maame ne wo nua mmeema ne wo nua mmaa gyina abɔntene a bɛɛfrɛ wo.”

³³ Na obuaa sɛ, “Me maame ne me nuanom ne hefoɔ?”

³⁴ Na ɔhwɛɛ bɛ a bɛtete ne nkyɛne he kaa sɛ, “Yeinom ne me maame ne me nuanom.

³⁵ Nea ɔyɔ Nyankopɔn apɛdeɛ biaa yɛ me nua beema ne me nua baa ne me maame.”