Hebrifoɔ 10 - Apam Foforɔ

Kristo afɔreprɛko a ɔbɔ maa biaa

¹ Na esiane sɛ mmara he kura nnoɔma pa a ɔɔba he nsɛsoɔ na mmom onni nnoɔma he ankasa nti, ontumi mfa saa daa daa afɔreɛ a bɛbɔ no afe biaa he so mma bɛ a bɛde bɛ ho to so he nwie pɛyɛ.

² Sɛ asɔrefoɔ he afɔreɛ a bɛbɔeɛ he tumi popaa bɛ bɔne na ɔtee bɛ ahonim ho ampa, nti nka bɛannyae afɔrebɔ anaa?

³ Nso saa afɔrebɔ henom ma bɛkae bɔne afe biaa,

⁴ efiri sɛ, anantwie ne mmirekyie mogyaa ntumi nyi bɔne hɔ.

⁵ Nti, berɛ a Kristo baa wiase he, ɔkaa sɛ, “Woampɛ afɔrebɔ ne ayɛyɛdeɛ, na mmom nipadua ne woasiesie ama me;

⁶ hyeɛ afɔreɛ ne bɔne afɔreɛ ansɔ w’ani

⁷ Na afei mekaa sɛ, ‘Nyankopɔn, hwɛ, maaba sɛ meebɛyɔ deɛ wopɛ, O me Nyankopɔn’ (sɛdeɛ bɛatwerɛ me ho asɛm nwoma mmobɔeɛ he mu).”

⁸ Mmerɛ a odii kane kaa sɛ, “Afɔrebɔ ne ayɛyɛdeɛ anaa hyeɛ afɔreɛ ne bɔne afɔreɛ ansɔ w’ani he” (ɔnam mmara he so na bɛde yeinom ma),

⁹ na ɔka kaa ho sɛ, “Hwɛ, maaba sɛ meebɛyɔ deɛ wopɛ.” Oyii deɛ odi kane he hɔ, na ɔde deɛ ɔtɔ so mmienu he besii hɔ.

¹⁰ Na ɔnam Nyankopɔn pɛ so ne yɛ ho ate ɔnam Yesu Kristo nipadua a ɔde bɔɔ afɔre-prɛko he nti.

¹¹ Na sɔfo biaa gyina hɔ sɛ ɔyɔ ne som adwuma da biaa, na ɔtaa bɔ afɔreɛ korɔ heaa a ontumi nyi bɔne hɔ.

¹² Nso mmerɛ a Kristo bɔɔ afɔreɛ baako maa bɔne afebɔɔ he, “ɔtenaa Nyankopɔn nifa so,”

¹³ na ɔɔtwɛne “kosi sɛ bɛde n’atamfoɔ bɛyɛ ne nane ase ntiasoɔ.”

¹⁴ Na ɔnam afɔreɛ baako pɛ so ama bɛ a bɛate bɛ ho nyinaa awie pɛyɛ afebɔɔ.

¹⁵ Na Honhom Kronkron so di adanseɛ Twerɛsɛm he mu sɛ,

¹⁶ “Yei ne apam a me ne bɛ bɛpam he Awurade dɛ: nna he akyi he Mede me mmara bɛhyɛ bɛ akomam, na mɛtwerɛ no bɛ adwenem,”

¹⁷ na ɔsane ka kaa ho sɛ, “Menkae bɛ bɔne ne bɛ mmarato bio.”

¹⁸ Baabiaa a yeinom ho fakyɛ ya he, bɔne ho afɔrebɔ nni hɔ bio.

Nyankopɔn anim korɔ kwane

¹⁹ Nti, me nuanom, esiane sɛ yɛnam Yesu mogyaa so anya awerɛhyɛmu a yɛde bɛhyɛne kronkronbea hɔ,

²⁰ na ɔnam kwane foforɔ a nkwa yam so abie ntomadane he ama yɛ yi (mekyerɛ ɔnam ne honam so),

²¹ na yɛwɔ Nyankopɔn fie so sɔfopanyini yi nti,

²² homma yɛmfa akoma a mu yɛ fann a gyidie mu ahotɔsoɔ ahyɛ no ma, akoma a bɛapete ho ate ho afiri ahonim bɔne ho ne yɛ nipadua a bɛde nsuo a ho te adware he ntwe mmɛne no.

²³ Homma yɛnhimhim na mmom yenkura yɛ anidasoɔ asɛm a yɛka he mu dene, efiri sɛ deɛ waahyɛ bɔ he yɛ nɔkwafoɔ.

²⁴ Na homma yɛnhwɛ sɛ yɛbɛkanyane yɛ ho yɛ ho na yɛadodɔ yɛ ho yɛ ho; na yɛmfa nnwuma pa nsom yɛ ho yɛ ho,

²⁵ hommma yennyae yɛ ho yɛ ho nhyiamu, sɛdeɛ binom agyae bɛ ho bɛ ho nhyiamu he, na mmom homma yɛnhyehyɛ yɛ ho yɛ ho nkurane, ne titire mmerɛ a yehu sɛ Da he abɛne.

²⁶ Na sɛ yɛboapa kɔ so yɔ bɔne mmerɛ a yɛanya nɔkorɛ he ho nimdeɛ a, bɔne ho afɔrebɔ foforɔ biaa nni hɔ bio,

²⁷ na mmom atemmuo a ohu akwanhwɛ, ne abufuo gya a ɔbɛhye Nyankopɔn atamfoɔ pasaa he ne ya hɔ ma yɛ.

²⁸ Nipa biaa a ɔto Mose mmara he gyina adansefoɔ mmienu anaa mmeɛnsa adanseɛ wu berɛ a onnya mmɔborɔhunu biaa.

²⁹ Mmɛ asotwe koraa ne ɔboro so a hosusu sɛ ɔfata sɛ bɛde bɛtwe bɛ a bɛde Nyankopɔn Ba he anim atwitwi fam na bɛabu apam mogyaa a bɛde tee bɛ ho he animtia, na bɛasopa adom Honhom he?

³⁰ Na yenim deɛ ɔkaa sɛ “Mene metɔ werɛ, metua ka.” Na ɔkaa bio sɛ, “Awurade bebu ne mane atɛne.”

³¹ Nti ohu ma bi sɛ ɔbɛtɔ Nyankopɔn teasefoɔ he abufuom.

³² Nso honkae kane nna he a hohuu hann he, sɛ hode animia gyinaeɛ, kõ dendene amanehunu mu,

³³ maa bɛbɔɔ ho adapaa na bɛtaa ho badwam, na da bi nso ho ne bɛ a bɛfaa saa tebea he mu he nyaa ayɔnkofa.

³⁴ Na honyaa tema maa nneduafoɔ, na hode anigyeɛ penee so maa bɛfom ho agyapadeɛ, efiri sɛ honim sɛ ho ankasa howɔ agyapadeɛ a odi mu, na ɔbɛtena hɔ daa.

³⁵ Nti honnto ho nnamyɛ a ɔma akatua kɛseɛ he ntwene;

³⁶ efiri sɛ ho hia boasetɔ, sɛnea ɔbɛyɛ a sɛ hoyɔ deɛ Nyankopɔn pɛ wie a, ho nsa bɛka deɛ wahyɛ ho bɔ he.

³⁷ Na “aka kakraa bi, deɛ ɔɔba he bɛba, na ɔnkyɛre koraa;

³⁸ Na deɛ ɔtene he firi gyidie mu benya nkwa, na me kra ani nsɔ deɛ ɔtwe ne ho sane akyi he.”

³⁹ Nso yɛ deɛ, yɛnnka bɛ a bɛtwe bɛ ho sane akyi na bɛayera he ho, na mmom yɛka bɛ a bɛwɔ gyidie na bɛanya nkwa he ho.