Galatifoɔ 5 - Apam Foforɔ

Mmara si Kristo mu nkwagyeɛ kwane

¹ Adehyedie nti ne Kristo ama yɛade yɛ ho. Nti, honnyina pintinn, hommfa ho ho nhyɛ nkoasom konnua ase bio.

Sɛnea akristofoɔ ahofadie teɛ

² Hontie! Me, Paulo, ne meeka akyerɛ ho sɛ, sɛ homa betwa ho twetia a, Kristo ho ɔmma mfasoɔ mma ho.

³ Medi adanseɛ bio sɛ, ɔsɛ sɛ nea ɔma betwa no twetia de hwehwɛ Nyankopɔn anim bembuo he di mmara a aka he nyinaa nso so.

⁴ Wo a wopɛ sɛ bɛde mmara bu wo bem he woate wo ho afiri Kristo ho; woahwe ase afiri adom ho.

⁵ Na yɛ deɛ, yɛnam Honhom he so ɔɔtwɛne tenenee anidasoɔ a ogyina gyidie so he dendenndene.

⁶ Na Kristo Yesu mu he, gyidie a ɔnam dɔ so yɔ adwuma nkoaa ne hia, na ɔnyɛ twetia bɛatwa bi anaa bentwaa no he ne hia.

Kasaa tiaa a odi akyire

⁷ Na hootu mmirika he yie; na afei deɛ hwane ne sii ho kwane sɛ honntie nɔkorɛ he?

⁸ Saa adwene-danee he mfiri nea ɔfrɛɛ ho he.

⁹ Mmɔreka ketewa bi ne sɛe mmɔre mũ he nyinaa.

¹⁰ Mewɔ ho mu awerɛhyemu paa Awurade mu sɛ honnwene adwene foforɔ biaa. Nso nea ɔɔma ho adwene ayɔ ho ntanta he benya n’asotwee.

¹¹ Na me deɛ, anuanom, sɛ meda so ka twetiatwa ho asɛm a nka mmɛ nti ne bɛda so taa me? Sɛ nka meda so ka twetiatwa ho asɛm a, hedeɛ na nka asennua he nto sintidua bio.

¹² Ɔkaa me nkoaa a, nka bɛ a bɛmaa ho hweteeɛ he dii bɛ ho awu!

Dɔ si ahofadie ho kwane

¹³ Na adehyedie mu ne bɛafrɛ ho aba, me nuanom; homma ahofadie he nyɛ akwannya mma honnyɔ bɔne, na mmom ho mfa dɔ so nyɛ nkoa ma ho ho,

¹⁴ efiri sɛ, mmara he nyinaa wie pɛyɛ asɛm baako mu sɛ, “Dɔ wo yɔnko sɛ wo ho.”

¹⁵ Na mmom, sɛ ho keka na homemene ho ho a, honhwɛ yie na hoansɛe ho ho.

Honam nnwuma

¹⁶ Hontena Honhom mu, nea meeka ne sɛ, honnnyɔ nea honam pɛ.

¹⁷ Na nea honam pɛ he ko tia Honhom he, na nea Honhom he nso pɛ he ko tia honam he; efiri sɛ saa nnoɔma he ko tia ne yɔnko, sɛ obesi ho kwane na hoanyɔ nea hopɛ.

¹⁸ Na mmom, sɛ Honhom he di ho anim a, honhyɛ mmara ase.

¹⁹ Afei honam nnwuma he da adi pefee, yeinom ne: adwamammɔ, fi, akohwie,

²⁰ abosonsom, adutoɔ, tane, akayɔ, ahoɔyeyaa, abufuo, atutupɛ, kunsumkunsum, mpaepaemu,

²¹ anibereɛ, nsaboro, agobɔne ne nnoɔma a ɔtete saa. Meebɔ ho kɔkɔ, sɛnea madi kane abɔ ho kɔkɔ he; sɛ bɛ a bɛyɔ saa nnoɔma yi, bennya Nyankopɔn ahennie he.

Honhom aba

²² Nso Honhom aba he deɛ, ɔno ne dɔ, anigyeɛ, asomdwie, abodwokyɛre, ayamyɛ, papayɔ, gyidie,

²³ dwoɔ, ne anidahɔ. Mmara biaa nni hɔ a otia yeinom.

²⁴ Na bɛ a bɛyɛ Kristo Yesu deɛ he, bɛabɔ honam ne n’akɔnnɔ asennua mu.

²⁵ Sɛ yɛte ase Honhom mu a, homma Honhom he nkyerɛ yɛ kwane.

²⁶ Hommma yɛmpɛ animuonyam hunu, nhyehyɛ yɛ ho yɛ ho abufuo, na hommma yɛ ani mmereberɛ yɛ ho.