Efesofoɔ 6 - Apam Foforɔ

Mma ne awofoɔ

¹ Mma, honyɔ setie mma ho awofoɔ, Awurade mu na yei ne tene.

² “Homfa anidie mma ho agya ne ho na” (yei ne mmaransɛm a odi kane a bɔhyɛ bata ho)

³ “na asi ho yie na hoanyini akyɛre asaase yi so.”

⁴ Na, agyanom, honnhyɛ ho mma abufuo, na mmom hontete bɛ Awurade kasakyerɛ ne nyansakyerɛ mu.

Nkoa ne awuranom

⁵ Nkoa, homfa suro ne ahopopoɔ nyɔ setie mma ho wuranom a bɛya asaase yi so, homfiri akoma pa mu, sɛnea hoyɔ setie ma Kristo he;

⁶ nyɛ ani so som mu, te sɛ bɛ a bɛpɛ sɛ bɛsɔ nnipa ani, na mmom sɛ Kristo nkoa a hoayi ho yam ɔɔyɔ nea Nyankopɔn pɛ.

⁷ Homfa pɛ pa nsom, sɛ hooyɔ ama Awurade, na mmom ɔnyɛ sɛ hooyɔ ama nnipa.

⁸ Na honim sɛ papa biaa a yɛyɔ he, nkoa oo, adehyeɛ oo, yebenya ho akatua afiri Awurade hɔ.

⁹ Saa ne awuranom nso honyɔ mma ho nkoa. Honnyae bɛ ahunahuna, na honhu sɛ ho nyinaa howɔ Wura baako ya soro; na nyiyimu biaa nni ne mu.

Nyankopɔn akodeɛ nyinaa

¹⁰ Ne korakora ne sɛ, honyɛ dene Awurade ne n’ahoɔdene tumi mu.

¹¹ Honhyɛ Nyankopɔn akodeɛ nyinaa, na ama hoatumi agyina Bronsam nnaadaa ano;

¹² efiri sɛ ɔnyɛ nnipa ne yɛ ne bɛ oodi asie, na mmom yɛ ne mpanyinnie, tumidie, wiase yi sum mu atumfoɔ, ahohommɔne a bɛya soro meamea ne oodi asie.

¹³ Nti homfa Nyankopɔn akodeɛ nyinaa, na hoatumi agyina mmerɛ bɔne he mu, na hoko wie a, hoagyina pintinn.

¹⁴ Ne saa nti honnyina hɔ, na homfa nɔkorɛ mmɔ ho asene sɛ abɔsoɔ, na honhyɛ tenenee sɛ nkataboɔ.

¹⁵ Na homfa asomdwie he ho asɛmpa nhyehyɛ ho nane sɛ mpaboa.

¹⁶ Na mmerɛ nyinaa ne adeɛ nyinaa mu he, homfa gyidie kyɛm a hobetumi de adum bɔnefoɔ he pea a ɔdɛre he biaa.

¹⁷ Homfa nkwagyeɛ kyɛ, na homfa Honhom mu sekane a ɔyɛ Nyankopɔn asɛm nkita.

¹⁸ Homfa mpaebɔ ne nkotosrɛ nyinaa mmɔ mpaeɛ mmerɛ nyinaa Honhom mu. Afei nso, homma ho ani nna hɔ na honkɔ so nsrɛ mma ahoteefoɔ nyinaa.

¹⁹ Hommɔ mpaeɛ mma me nso, na sɛ mebie m’ano a, manya akokoɔduro a mede bɛpae mu aka asɛmpa he ho ahintasɛm,

²⁰ na ɔno ho somafoɔ ne meyɛ ya nkɔnsɔnkɔnsɔn mu yi. Hommɔ mpaeɛ sɛ mede akokoɔduro bɛpae mu aka asɛm biaa a ɔsɛ sɛ meka.

Asetena mu nsɛm ne nhyira

²¹ Sɛ ɔbɛyɔ na ho nso hobehu sɛnea me ho teɛ ne nea meeyɔ nti, Tihiko bɛka bibiaa akyerɛ ho. Ɔyɛ nua dɔfo pa ne Awurade somfoɔ nɔkwafoɔ.

²² Yeiaa nti ne meesoma no aba ho nkyɛne, na woama hoahu sɛnea yɛ ho teɛ, na woama ho akoma atɔ ho yam.

²³ Asomdwie ne dɔ a gyidie ka ho a ofiri Agya Nyankopɔn ne Awurade Yesu Kristo nka anuanom nyinaa.

²⁴ Adom nka bɛ a bɛde dɔ a ɔnsa da dɔ yɛ Awurade Yesu Kristo nyinaa.