Kolosefoɔ nwoma 4 - Apam Foforɔ

¹ Awuranom, ho ne ho nkoa nni no yie sɛnea ɔsɛ, efiri sɛ honim sɛ ho nso howɔ Wura bi ya soro.

Mpaebɔ ho mmɔdemmɔ

² Honkura mpaebɔ mu, na homfa aseda nwɛne mpaebɔ mu.

³ Na hommɔ mpaebɔ mma yɛ nso, sɛ Nyankopɔn bebie pono ama n’asɛm, sɛ yɛbɛka Kristo ho ahintasɛm a ɔno nti meda afiase he,

⁴ na maayi no adi pefee akyerɛ sɛdeɛ ɔsɛ sɛ meyɔ.

⁵ Na akwannya biaa hobenya he hommɔ ho bra nyansa mu mma wiasefoɔ nhu.

⁶ Homma ho kasa ho mmara nyam daa a nkyene ya mu, na hoahu sɛdeɛ ɔsɛ sɛ hobua biaa.

Nkyea a otwa toɔ

⁷ Tihiko bɛka me ho nsɛm nyinaa akyerɛ ho; ɔyɛ nua dɔfoɔ, somfo nɔkwafoɔ ne yɔnko akoa Awurade mu.

⁸ Yei nti ne maasoma no ho nkyɛne na hoahu sɛdeɛ yɛ ho teɛ, na wahyɛ ho akoma dene;

⁹ ɔne Onesimo, nɔkwafoɔ ne nua dɔfoɔ a ɔyɛ ho honam-nipa, ne ɔɔba. Bɛbɛka ha asɛm nyinaa akyerɛ ho.

¹⁰ Aristarko, me yɔnko deduani kyea ho, saa nso ne Marko a ɔyɛ Barnaba nua nso kyea ho, nea mekaa ne ho asɛm kyerɛɛ ho sɛ, sɛ ɔba ho nkyɛne a, wonnye no fɛ so he.

¹¹ Na Yesu a bɛfrɛ no Yusto he nso kyea ho. Bɛne befiri bɛ a bɛatwa bɛ twetia he mu. Yeinom nkoaa ne me mfɛfoɔ ya Nyankopɔn ahennie he fam, na bɛabɛyɛ aboafoɔ a bɛahyɛ me dene.

Epafra, Luka ne Dema

¹² Kristo Yesu somfo Epafra a ofiri ho mu he kyea ho. Daa odima ma ho dendenndene ya mpaebɔ mu, sɛ hobegyina hɔ pɛpɛɛpɛ, na hoayɛ ma Nyankopɔn apɛdeɛ nyinaa mu.

¹³ Na medi ne ho adanseɛ sɛ waayɔ adwuma dene ama ho ne bɛ a bɛya Laodikea ne Hierapoli.

¹⁴ Luka, duyɛfoɔ dɔfoɔ he ne Dema kyea ho.

Laodikea asafo

¹⁵ Honkyea anuanom a bɛya Laodikea ne Nimfa ne asafo a behyia ne fie he.

¹⁶ Na sɛ hokenkane krataa yi kyerɛ ho ho wie a, homma bɛnkenkane no Laodikeafoɔ asafo he nso mu; na honhwɛ sɛ ho nso hobɛkenkane me krataa a ɔya Laodikea asafo he mu nso.

¹⁷ Na honnka nkyerɛ Arkipo sɛ, “Hwɛ sɛ wobewie som adwuma a wo nsa aka ya Awurade mu he.”

Awieeɛ

¹⁸ Me Paulo, mede meaa me nsa ne ɔɔtwerɛ nkyea yi. Honnkae me nkɔnsɔnkɔnsɔn. Adom nka ho.