Kolosefoɔ nwoma 2 - Apam Foforɔ

Kolosefoɔ yiedie ho mmɔdemmɔ

¹ Na mepɛ sɛ hohu apereapereɛ dendene a medi no ho ho ne bɛ a bɛya Laodikea ne bɛ a benhuu m’anim honam mu nyinaa nso ho.

² Mepɛ sɛ benya nkuranhyɛ bɛ akoma mu na bɛka bom dɔ mu, na bɛanya nteaseɛ pa nyinaa, na bɛanya Nyankopɔn ahintasɛm ho nimdeɛ a ɔne Kristo he ankasa.

³ Ɔyɛ Kristo mu ne nyansa ne nimdeɛ ho nnepa nyinaa ahinta.

⁴ Meeka yei na biaa amfa mmradɛtoɔ annaadaa ho.

⁵ Na ɔyam sɛ menni ho nkyɛne nipadua mu deɛ, nso meka ho, honhom fam, na m’ani gye kwane a hofa so yɔ adeɛ nyinaa pɛpɛɛpɛ ne tintim a ho gyidie atintim Kristo mu he ho.

⁶ Sɛdeɛ hoagye Awurade Kristo Yesu he, saa ne hommɔ ho bra sɛ Kristo mu agyidifoɔ

⁷ a bɛagye ahini, na bɛde bɛ ani asi Kristo so, na bɛayɛ dene gyidie mu, sɛdeɛ bɛkyerɛɛ ho heaa, na ho aseda adɔɔso.

Kristo nyameyɛ

⁸ Honhwɛ yie na biaa amfa nipa nyansa ne nnaadaa hunu a ɔnam nnipa nhyehyɛeɛ so, ne wiase ahonhom so ammɛfa ho nommum, efiri sɛ saa nnoɔma yi nyinaa mfiri Kristo,

⁹ na Kristo mu ne nyame su nyinaa da adi nipadua mu,

¹⁰ na hoayɛ ma ya ne mu: Ɔno ne yɛ mpanyinnie ne tumidie nyinaa ti.

¹¹ Ne mu ne bɛatwa ho twetia a bɛamfa nsa ne twaeɛ, na deɛ ɔya honam nipadua mu a beyi gu hɔ he, bɛayi no Kristo twetiatwa mu.

¹² Besiee ho ne no asubɔ mu he, ho ne no nso sɔreeɛ gyidie mu, Nyankopɔn a ɔnyanee Kristo firii awufoɔ mu he tumi mu.

Kristo mpatadwuma

¹³ Na berɛ a na hoawu ya ho mfomsoɔ ne honam ne twetiatwa mu he, Nyankopɔn maa ho ne no baa nkwa mu bio. Nyankopɔn nam adom so de yɛ mfomsoɔ nyinaa kyɛɛ yɛ,

¹⁴ na ɔpepaa nsa ano atwerɛeɛ a ɔya ahyɛdeɛ he mu a otia yɛ he, na oyi firii hɔ de ne nyinaa bɔɔ asennua he mu.

¹⁵ Na watutu mpanyinnie ne tumidie nyinaa agu, ayi bɛ adi akyerɛ pefee ya badwam, nam asennua he so adi bɛ so nkunim.

Ntamgyinafoɔ foforɔ biaa nni hɔ

¹⁶ Nti hommma bi mmu ho atɛne aduane anaa anonneɛ anaa nnapɔnna anaa bosome foforɔ afahyɛ anaa home nna fam.

¹⁷ Yeinom yɛ nea ɔbɛba he ho mfonyini kɛkɛ, na deɛ odi mu he ankasa ne Kristo.

¹⁸ Hommma bi mfa kramane ahobrɛaseɛ ne abɔfosom so mma nkunimboɔ he mmɔ ho, nea ɔnam anisoadehunu kwa ne honam nsusuiɛ hunu so yɛ ahomasoɔ.

¹⁹ Saa nipa he nkita asafo he Ti a ɔma nipadua he nyinaa aduane, na ɔnam ntoatoamu ne ahoma so ma no ka bom gyina, na onyini nyini a ofiri Nyankopɔn mu he.

²⁰ Nti sɛ ho ne Kristo anya awu afiri wiase honhom mu nsɛm nkyerɛkyerɛ ho a, mmɛ nti ne hode ahyɛdeɛ to ho ho so sɛdeɛ hoda so yɛ wiasefoɔ,

²¹ na ho ka sɛ, “Nsɔ mu, nka nhwɛ, mfa wo nsa nka?”

²² Saa nnoɔma yei nyinaa yɛ nnoɔma hunu, nnipa ahyɛdeɛ ne nkyerɛkyerɛ kwa.

²³ Saa nnoɔma he nyinaa yɛ bɛ ankasa bɛ som mu adeɛ a nnipa anim he, ayɛ sɛ nea nyansa yam nso ɔyɛ kramane ahobrɛaseɛ a ɔma bɛ ankasa bɛ nipadua mpo, bedi no nya; nso tumi biaa nnim a obetumi ako atia honam akɔnnɔ.