Adiyisɛm 7 - Apam Foforɔ

Israel nnipa mpemha aduanan nnan he

¹ Yei akyi he, mehuu abɔfoɔ nnan sɛ, begyinagyina asaase ntweasoɔ nnan he so a, bɛɛtwe mframa nnan a ɔya asaase so he ɔɔsane akyi sɛnea ɔbɛyɛ a, mframa biaa ɔmmɔ asaase ne po ne dua biaa so.

² Na mehuu bɔfoɔ foforɔ a ofiri awia apieɛ ɔɔba a okita Nyankopɔn teasefoɔ he nsɔano. Ɔteaam frɛɛ abɔfoɔ nnan he a na Nyankopɔn ama bɛ tumi sɛ bɛnsɛe asaase ne po he.

³ Bɔfoɔ he kaa sɛ, “Honnsɛe asaase ne po anaa nnua kosi sɛ yɛbɛhyɛ Nyankopɔn nkoa he nso bɛ moma so.”

⁴ Na bɛkyerɛɛ me bɛ a bɛahyɛ bɛ nsõ he dodoɔ. Na bɛ nyinaa bɛ dodoɔ yɛ mpemha aduannan nnan a, befiri Israel mmusuakuo nyinaa mu.

⁵ Yuda abusuakuo mu nnipa a bɛhyɛɛ bɛ nso he dodoɔ yɛ mpem dummienu. Ruben abusuakuo mu nnipa a bɛhyɛɛ bɛ nso he dodoɔ yɛ mpem dummienu. Gad abusuakuo mu nnipa a bɛhyɛɛ bɛ nso he dodoɔ yɛ mpem dummienu

⁶ Aser abusuakuo mu nnipa a bɛhyɛɛ bɛ nso he dodoɔ yɛ mpem dummienu. Naftali abusuakuo mu nnipa a bɛhyɛɛ bɛ nso he dodoɔ yɛ mpem dummienu. Manase abusuakuo mu nnipa a bɛhyɛɛ bɛ nso he dodoɔ yɛ mpem dummienu.

⁷ Simeon abusuakuo mu nnipa a bɛhyɛɛ bɛ nso he dodoɔ yɛ mpem dummienu. Lewi abusuakuo mu nnipa a bɛhyɛɛ bɛ nso he dodoɔ yɛ mpem dummienu. Isakar abusuakuo mu nnipa a bɛhyɛɛ bɛ nso he dodoɔ yɛ mpem dummienu.

⁸ Sebulon abusuakuo mu nnipa a bɛhyɛɛ bɛ nso he dodoɔ yɛ mpem dummienu. Yosef abusuakuo mu nnipa a bɛhyɛɛ bɛ nso he dodoɔ yɛ mpem dummienu. Benyamin abusuakuo mu nnipa a bɛhyɛɛ bɛ nso he dodoɔ yɛ mpem dummienu.

⁹ Yei akyi he, mehwɛeɛ, na mehuu nnipakuo a biaa ntumi nkane bɛ dodoɔ a befiri amane ne mmusuakuo ne nkurofoɔ ne kasa nyinaa mu a begyinagyina ahennwa he ne Adwamaa he anim a bɛhyehyɛ ntaadeɛ fitaa kitakita berɛɛ.

¹⁰ Bɛteaam dendene sɛ, “Nkwagyeɛ firi yɛ Nyankopɔn a ɔte ahennwa he so ne Adwamaa he hɔ.”

¹¹ Na abɔfoɔ he atwa ahennwa he ne mpanyimfoɔ he ne ateasefoɔ nnan he ho ahyia. Afei bebutubutuu ahennwa he anim, sɔree Nyankopɔn

¹² kaa sɛ, “Amen! Nhyira ne animuonyam ne nyansa ne aseda ne anidie ne tumi ne ahoɔdene yɛ Nyankopɔn dea daa daa! Amen!”

Nkwagyeɛ a ɔnam adwammaa he so ba

¹³ Afei mpanyimfoɔ he mu baako bisaa me sɛ, “Hefoɔ ne bɛhyehyɛ ntaadeɛ fitaa yi, na befiri he?”

¹⁴ Mebuaa sɛ “Owura, wo ne wonim.” Ɔka kyerɛɛ me sɛ, “Yeinom ne bɛ a bɛafiri taa mu, na bɛde Adwamaa he mogyaa ahohoro bɛ ntaadeɛ ama ayɛ fitaa.

¹⁵ Na yei nti ne begyina Nyankopɔn ahennwa anim a bɛɛsom awia ne anadwo ne hyiadane mu yi. Nea ɔbɛtena ahennwa he so he bɛbɔ bɛ ho bane.

¹⁶ Kɔm ɔnne bɛ bio. Awia anaa ahuhuro biaa ɔnnhye bɛ bio,

¹⁷ efiri sɛ, Adwamaa he a ɔya ahennwa he mfinimfini he bɛyɛ bɛ dwanhwɛfoɔ de bɛ akɔ nkwa asuti ho. Na Nyankopɔn bɛpopa bɛ aniwa mu nisuo nyinaa.”