Adiyisɛm 1 - Apam Foforɔ

Nnianimu ne nkyea

¹ Saa nwoma yi fa Yesu Kristo adiyisɛm a Nyankopɔn de maa no sɛ ɔnkyerɛ ne nkoa nnoɔma a otwa sɛ ɔba ntɛm. Kristo somaa ne bɔfoɔ kɔɔ ne n’akoa Yohane nkyɛne kɔdaa asɛm yi adi kyerɛɛ no.

² Na Yohane dii adanseɛ faa Nyankopɔn asɛm ne Yesu Kristo ne nea ohuiɛ nyinaa ho.

³ Nhyira ne nipa a ɔkenkane saa nwoma yi, ne bɛ a betie adiyisɛm he na bedi so sɛnea bɛatwerɛ no saa nwoma yi mu he, efiri sɛ berɛ he abɛne.

⁴ Nsɛm a Yohane de kɔmaa asafo ahodoɔ nson a na bɛya Asia he di: Adom mmra ho so. Afei nso, asomdwie a ofiri nea ɔya hɔ, seesei, na ɔya hɔ firi tetentredee, na ɔya hɔ daa he, ne ahonhom nson a ɔya n’ahennwa anim,

⁵ ne Yesu Kristo a ɔyɛ danseni nɔkwafoɔ ne wusɔreɛ mu dikanfoɔ ne asaase so ahene sodifoɔ he nkyɛne nka ho. Ɔno a ɔdɔ yɛ, na ɔnam ne mogyaa he so agye yɛ afiri yɛ bɔne mu he

⁶ ayɔ yɛ ahemmane ne asɔfoɔ ama ne Nyankopɔn a ɔyɛ n’agya. Ɔno ne animuonyam ne tumi nka no daa daa. Amen!

⁷ Hwɛ! Ɔnam mununkum mu ɔɔba; ani nyinaa behu no, na bɛ a bɛwɔɔ no pea he nso behu no bi. Na ɔno nti asaase so nnipa nyinaa bɛbɔ bena. Ampa, saa ne ɔbɛyɔ. Amen!

⁸ “Mene ahyɛaseɛ ne awieeɛ,” Awurade Nyankopɔn ne ɔɔka, ɔno ne ya hɔ seesei na ɔya hɔ firi tetentredee na ɔya hɔ daa, ade nyinaa so tumfoɔ, he.

Kristo ho anisoadehunu

⁹ Me, Yohane, ho nua a me ne ho bom Yesu mu hunu amane n’ahennie ne ne boasetɔ mu, na meya supɔ Patmo so, esiane Nyankopɔn asɛm ne Yesu adanseɛ nti.

¹⁰ Awurade da he, na meya Honhom mu, na metee nne dendene bi ya m’akyi a ɔte sɛ totorobɛnto.

¹¹ Ɔkaa sɛ, “Twerɛ bibiaa a wohu gu nwoma mu, na fa nwoma he kɔma asafo ahodoɔ nson yi: Deɛ ɔya Efeso, Smirna, Pergamo, Tiatira, Sardi, Filadelfia ne Laodikea.”

¹² Afei, medanee m’ani pɛɛ sɛ mehu nea ɔɔkasa akyerɛ me he, mehuu sikakɔkɔɔ nkaneadua nson.

¹³ Na bi a ɔte sɛ nipa ba he hyɛ ataadeɛ yuu a osi ne nane ase a sikakɔkɔɔ aboomu bɔ ne koko gyina nkaneadua nson he mfimfini.

¹⁴ Na ne tinwi yɛ fitaa te sɛ asaawafufuo, te sɛ akaadoo, na n’ani dɛre sɛ gyaframa.

¹⁵ Na ne nane ase hyerɛn sɛ yaawa fɛɛfɛ a adɔ ya fononoo mu, na afei bɛatwi ho na ne nne woro so te sɛ nsuo ɔɔworo dendene.

¹⁶ Na okita nsoromma nson ne nsa nifa mu, na nkrantɛ anofanu nnamnnam firi n’anum baeɛ. Na n’anim hyerɛn sɛ awia a ɔɔhyerɛn dendene.

¹⁷ Mehuu no he, mekɔhwee ne nane ase yɛɛ te sɛ wufoɔ. Na ɔde ne nsa nifa too me so kaa sɛ, “Nsuro! Mene Kannifoɔ ne Kyidifoɔ.

¹⁸ Mene teasefoɔ he! Mewuiɛ, na hwɛ, mete ase daa daa. Mekita Wuo ne asamando nsafoa.

¹⁹ Nti afei twerɛ nnoɔma a wohu; nea wohu no seesei ne nea ɔbɛba akyire he.

²⁰ Nsoromma nson a wohu no me nsa nifa mu ne sika nkaneadua he nkyerɛaseɛ a ɔyɛ ahintasɛm he di: Nsoromma nson he yɛ asafo nson he abɔfoɔ, na nkaneadua nson he nso yɛ asafo nson he.”