3 Yohane 1 - Apam Foforɔ

Nkyea ne ayeyie

¹ Me, Asafo Panyini, metwerɛ krataa yi de kɔma dɔfo Gaio a medɔ no nɔkorɛ mu.

² Me dɔfo pa, mebɔ mpaeɛ sɛ adeɛ nyinaa mu, onsi wo yie, na nya ahoɔdene sɛnea asi wo kra yie he.

³ Berɛ a anuanom bi baeɛ na bebedii wo nɔkorɛdie ho adanseɛ sɛnea wonam nɔkorɛ he mu he, m’ani gyee paa.

⁴ Bibiaa nyɛ me anigye nkyɛne sɛ mɛte sɛ me mma he nam nɔkorem.

⁵ Me dɔfo pa, wodi nɔkorɛ yie adwuma a woyɔ ma anuanom, ahɔhoɔ mpo.

⁶ Bɛadi wo dɔ he ho adanseɛ asafo he anim. Mesrɛ wo, ma nea wode begya bɛ kwane he nyɛ adeɛ a ɔbɛsɔ Nyankopɔn ani,

⁷ efiri sɛ, Kristo dini mu ne bɛnam, na bɛnhwehwɛ mmoa biaa mfiri bɛ a bɛnyɛ agyidifoɔ he nkyɛne.

⁸ Ɔsɛ sɛ yɛ Akristofoɔ mmom ne yɛboa saa nnipa he sɛnea yɛ ne bɛ bɛyɛ nɔkorɛ he ho adwuma ayɔnkofoɔ.

Diotrefe ne Demetrio

⁹ Metwerɛɛ krataa bi kɔmaa asafo he, nso Diotrefe a ɔpɛ sɛ odi kane bɛ mu he antie nea mekaeɛ he, efiri sɛ, ɔnnye me mpanyinnie ntom.

¹⁰ Yei nti sɛ meba a, mede bibiaa a wayɔ he ho asɛm bɛto ho anim pefee, nsɛmmɔne a ɔka fa me ho nyinaa. Ɔmma no nso hɔaa, na mmom sɛ anuanom he ba a, ɔnnye bɛ, na bɛ a bɛpɛ sɛ bɛgye bɛ he nso, ɔbɔ mmɔdene sɛ obesi bɛ kwane na watu bɛ afiri asafo he mu.

¹¹ Me dɔfo, nhwɛ bɔne nsua, na mmom hwɛ papa sua. Biaa a ɔyɛ papa he yɛ Nyankopɔn deɛ. Na biaa a ɔyɛ bɔne he nso nhuu Nyankopɔn.

¹² Demetrio deɛ, nnipa nyinaa ne nɔkorɛ he ankasa di ne ho adanse-pa. Na yɛ nso yedi ne ho adanse-pa na honim sɛ nea yɛka he yɛ nɔkorɛ.

Awieeɛ

¹³ Nka mewɔ nsɛm bebree ka kyerɛ ho nso memfa krataa ne twerɛdua so nka.

¹⁴ Na mewɔ anidasoɔ sɛ ɔnkyɛre biaa mehu ho ne ho atena ase akasa.

¹⁵ Asomdwie nka ho. Ho nnamfonom nyinaa kyeakyea ho. Bobɔ nnamfonom nyinaa dini mmaako mmaako kyeakyea bɛ.