2 Timoteo 4 - Apam Foforɔ

Adesrɛ bi

¹ Afei mehyɛ wo Nyankopɔn ne Kristo Yesu a obebu ateasefoɔ ne awufoɔ atɛne n’ahoyie ne n’ahennie mu he anim sɛ:

² pae mu ka asɛmpa he, gyina mu berɛ pa ne berɛ bɔne mu; yi atene, ka anim, tu fo, abodwokyɛre ne nkyerɛkyerɛ nyinaa mu.

³ Na berɛ bi bɛba a nnipa ontie nkyerɛkyerɛ pa a ɔyɛ he, nso esiane sɛ bɛasom yɛ bɛ hene nti, bɛbɛboaboa akyerɛkyerɛfoɔ ano sɛnea bɛ a bɛ akɔnnɔ teɛ,

⁴ na bebeyi bɛ aso afiri nɔkorɛ ho, na bɛatie anansesɛm.

⁵ Na wo deɛ ma w’ani nna hɔ berɛ biaa, mia w’ani hu amane, yɔ sɛmpakafoɔ adwuma, yɛ wo som adwuma nyinaa.

⁶ Na me deɛ, berɛ he anya aduru sɛ behwie me agu sɛ hwiesa, na me ntetemudie berɛ aso.

⁷ Maakõ kõ pa he, maawie mmirika he tu, maakura gyidie he mu.

⁸ Afei nea aka a ɔsɛ sɛ me nsa ka ne tenenee abotire a Awurade, temufoɔ a ɔtene he de bɛma me Da he, ɔnyɛ me nko na mmom bɛ a bɛdɔ n’ahoyie nyinaa nso.

Paulo ani gyina Timoteo

⁹ Bɔ mmɔdene bra me nkyɛne ntɛm.

¹⁰ Na Dema deɛ, ɔdɔ nnɛ wiase nti, waagya me hɔ kɔ Tesalonika; Kreske kɔ Galatia, Tito nso kɔ Dalmatia.

¹¹ Luka nkoaa ne ya me nkyɛne. Fa Marko ka wo ho bra, efiri sɛ ne ho hia me som adwuma mu paa.

¹² Tihiko deɛ, masoma no Efeso.

¹³ Sɛ wooba a, fa m’ataadeɛ duruduru a megyaa no Karpo nkyɛne ya Troa ne me nwoma he bra me, ne titire he kokwanwoma he.

Tomfoɔ Aleksandro

¹⁴ Aleksandro, kɔɔbere dwumfoɔ he, yɛɛ me bɔne bebree. Awurade betua no ka sɛnea ne nwuma teɛ.

¹⁵ Wo nso, hwɛ yie ne ho, efiri sɛ osii yɛ asɛm he ho kwane bebree.

Gyeɛ a bɛgye Paulo

¹⁶ Me nyiano nea odi kane he mu he, biaa annyina m’akyi, biaa põõ me. Mempɛ sɛ bɛde ho asodie bɛto bɛ so.

¹⁷ Nso Awurade gyinaa m’akyi na ɔmaa me ahoɔdene, de kaa asɛmpa he nyinaa sɛ ɔbɛyɛ a amanamane mufoɔ nyinaa bɛte. Nti oyii me firii gyata anum.

¹⁸ Ampa, Awurade beyi me afiri bɔne nyinaa mu, na wagye me akɔ ne soro ahennie mu. Ɔno ne animuonyam nka no daadaa. Amen.

Gye a bɛgyee Paulo

¹⁹ Mekyea Priska ne Akwila ne Onesiforo fiefoɔ.

²⁰ Erasto deɛ, ɔkaa Korinto, ne megyaa Trofimo ya Mileto a na ɔyare.

²¹ Bɔ mmɔdene bra ansa na awɔ berɛ aba. Eubulo ne Pude ne Lino ne Klaudia ne anuanom nyinaa kyeakyea wo.

²² Awurade ne wo honhom ntena. Adom nka wo!