2 Timoteo 2 - Apam Foforɔ

Yesu Kristo sraani nɔkwafoɔ

¹ Afei wo, me ba, ɔnam adom a bɛde adom wo Yesu Kristo mu nti, yɛ nam.

² Na deɛ wote firii m’anum adansefoɔ bebree anim he, ɔnoaa ne fa hyɛ nnipa anokwafoɔ a bebetumi akyerɛkyerɛ binom nso nsa.

³ Wo nso mia w’ani hu amane sɛ Yesu Kristo sraani pa.

⁴ Sraani biaa nni hɔ a ɔkɔ sa de asetena mu nsɛm bebare ne ho, sraani he botaeɛ ne sɛ ɔbɛsɔ ne panyini ani.

⁵ Na sɛ bi di akansie mu kane a, bɛmfa nkunim abotire mmɔ no gye sɛ osii akane he sɛnea ho mmara he teɛ.

⁶ Ɔsɛ sɛ kuani a wɔayɔ adwuma dene he ne di kane di nnɔbae he bi.

⁷ Dwene nea meka yi ho, na Awurade bɛma wo nnoɔma nyinaa ho nteaseɛ.

⁸ Kae Yesu Kristo a ɔsɔre firii awufoɔ mu a ɔyɛ Dawid aseni he, sɛdeɛ m’asɛmpa a meka he teɛ;

⁹ ɔno nti mu ne meehu amane, na meda mpokyerem sɛ debɔnyɛni. Nso Nyankopɔn asɛm deɛ bɛnkyekyeree no.

¹⁰ Yei nti meto me bo nnoɔma nyinaa mu, sɛnea ɔbɛyɔ a bɛ a bɛayi bɛ he nso bebenya Kristo Yesu mu nkwagyeɛ, daa animuonyam mu.

Asɛnnua ne abotire

¹¹ Nɔkwasɛm di: sɛ yɛne no awu a, yɛne no bɛsɔre nso;

¹² sɛ yegyina pintinn a, yɛ ne no bedi hene nso; sɛ yɛpo no a ɔno nso bɛpo yɛ;

¹³ sɛ yɛnyɛ nɔkwafoɔ a, ɔno deɛ ɔyɛ nɔkwafoɔ efiri sɛ ontumi mpa ne ho akyi.

Dwumayɔni a ɔsɔ Nyankopɔn ani

¹⁴ Kɔ so kae bɛ saa nsɛm yi, na di bɛ adanseɛ Nyankopɔn anim, na bɛannye nsɛm ho akyinnye hunu a mfasoɔ nni so a ɔsɛe atiefoɔ adwene.

¹⁵ Bɔ mmɔdene sɛ wobɛ sɔ Nyankopɔn ani na obehu wo sɛ dwumayɔni a n’ani nwu bibiaa ho, na ɔkyerɛ nɔkwasɛm mu pɛpɛɛpɛ.

¹⁶ Yi wo ho firi nsɛmhuhuo a ho nte ho, efiri sɛ, ɔbɛma nipa akɔ n’anim amumuyɔ mu,

¹⁷ na bɛ asɛm bɛterɛ sɛ yare bɔne. Bemu bi ne Himeneo ne Fileto,

¹⁸ a bɛamane afiri nɔkorɛ he ho ka sɛ wusɔreɛ he aba dada, na bɛnam so ɔɔdane binom gyidie abutu,

¹⁹ sɛ yei nyina mu he Nyankopɔn fapem da soaa gyina hɔ pintinn a ho ntwerɛeɛ ne sɛ: “Awurade nim ne deɛ,” ɔne, “ma nea ɔbɔ Awurade dini biaa ntwe ne ho mfiri amumuyɔ ho.”

²⁰ Na fikɛseɛ biaa mu he ɔnyɛ sika ne dwetɛ nnoɔma nkoaa ne ya hɔ, na mmom nnua ne nnɛteɛ deɛ nso ya hɔ bi, na bebu bi, bi nso bemmu no.

²¹ Na sɛ bi te ne ho firi yeinom ho a, ɔbɛyɛ nea bebu, na bɛate ho a, owura he de yɛ bibi a, ɔbɛyɛ yie, na bɛasiesie de ayɔ adwuma pa biaa.

²² Nti dwane firi mmabunu berɛ mu akɔnnɔ ho na hwehwɛ tenenee, gyidie, dɔ ne asomdwie, wo ne bɛ a befiri akoma a mu te mu frɛ Awurade he.

²³ Na nkwasea-akyinnye a bɛmfa nsua hwee deɛ, nkɔ ho koraa, efiri sɛ, sɛnea wonim he, ɔde ntɔkwa ba.

²⁴ Na ɔnsɛ Awurade akoa bi sɛ ɔyɛ ntɔkwapɛfoɔ, na mmom, ɔsɛ sɛ ɔdwo ma nnipa nyinaa, ohu nkyerɛkyerɛ, ɔhyɛ ne ho so bɔne ho,

²⁵ na ɔde dwoɔ tenetene bɛ a bɛ ne no nyɛ adwene asɛm mu, sɛ ebia Nyankopɔn bɛma bɛ adwensakra ahu nɔkorɛ he,

²⁶ na ama bɛanni aba bɛ ho so ya bronsam fidie a ɔde akye bɛ sɛ bɛnyɛ n’apɛdeɛ he mu.