2 Tesalonikafoɔ 3 - Apam Foforɔ

Nkotosrɛ mpaebɔ

¹ Anuanom, deɛ otwa toɔ ne sɛ, hommɔ mpaeɛ mma yɛ, na Awurade asɛm nya kwane nkɔ so, na bɛnhyɛ no animuonyam sɛnea ɔteɛ ho fam he nso,

² na benyi yɛ mfiri nnipa amumuyɔfoɔ ne abɔnefoɔ nsa mu, efiri sɛ, ɔnyɛ nnipa nyinaa ne wɔ gyidie.

³ Nso nɔkwafoɔ ne Awurade; ɔbɛhyɛ ho dene na wabɔ ho ho bane afiri sɛefoɔ he ho.

⁴ Na yɛwɔ Awurade mu ahotɔsoɔ ho ho sɛ hoyɔ nea yɛhyɛ ho he, na hobɛkɔ so ayɔ saa.

⁵ Awurade ntwe ho akoma nkɔ Nyankopɔn dɔ ne Kristo boasetɔ he mu.

⁶ Afei anuanom, yɛhyɛ ho Awurade Yesu Kristo dini mu sɛ, hontwe ho ho mfiri nipa biaa a ɔnam basabasa, na onni nkyerɛkyerɛ a honyaa no yɛ nkyɛne he so.

⁷ Na hoaa honim sɛ, ɔsɛ sɛ hosua yɛ, berɛ a na yɛya ho nkyɛne he, yɛannante basabasa,

⁸ na yɛanni biaa aduane berɛ a yɛantua ka; na mmom yɛyɔɔ adwuma, mmɔdemmɔ ne brɛ mu awia ne anadwo, na yɛanyɛ adesoa amma ho mu biaa.

⁹ Ɔnyɛ sɛ yenni ho kwane, na mmom sɛnea yɛbɛyɔ nhwɛsoɔ ama ho asua nti ne yɛyɔɔ saa.

¹⁰ Na yɛya ho nkyɛne he nso, yɛhyɛɛ ho sɛ: sɛ bi mpɛ sɛ ɔyɔ adwuma a, mma no nnidi.

¹¹ Na yɛate sɛ binom ya hɔ a bɛnenam basabasa ho mu, bɛnam frɛdɛfrɛdɛ a bɛnyɔ adwuma biaa.

¹² Afei bɛ a bɛte saa he ne yɛhyɛ bɛ na yetu bɛ fo yɛ Awurade Yesu Kristo mu, sɛ bɛmfa bɛ nsa nyɔ komm mfa mpɛ bɛ ano aduane.

¹³ Anuanom, hommerɛ papayɔ ho.

¹⁴ Na sɛ bi antie yɛ asɛm a ɔya krataa yi mu a, honhyɛ no nso, ho ne no mmɔ fekuo, na ama n’ani awu.

¹⁵ Nso hommmu saa nipa he sɛ ho tamfoɔ, na mmom honkasa nkyerɛ no sɛ nua.

¹⁶ Na ɔno asomdwie Awurade he mma ho asomdwie adeɛ nyinaa mu daa. Awurade nka ho nyinaa ho.

Nkradie ne nhyira

¹⁷ Me Paulo, meaa me nsa ne mede twerɛ nkyea yi. Yei yɛ adanseɛ me krataa nyinaa mu sɛ kwane a mefa so twerɛ di.

¹⁸ Yɛ Awurade Yesu Kristo adom nka ho nyinaa.