2 Korintofoɔ 6 - Apam Foforɔ

¹ Na yɛ a yɛne no bom yɔ adwuma he tu ho nso fo sɛ hommma Nyankopɔn adom a hoanya he nyɛ kwa;

² efiri sɛ, ɔka sɛ, “Berɛ a ɔsɛ mu ne matie wo, na nkwagyeɛ da he mu ne maboa wo.” Hwɛ nnɛ ne adom berɛ; hwɛ, nnɛ ne nkwagyeɛ da!

Asomafoɔ he adansedie

³ Na yɛnto biaa sintidua na bɛannya asɛmmɔne biaa anka amfa yɛ som adwuma ho,

⁴ na adeɛ nyinaa mu yɛda yɛ ho adi sɛ Nyankopɔn asomfoɔ. Yɛafa Boasetɔ pii mu, ahohia mu, ahokyerɛ mu, atowerɛnkyɛm mu,

⁵ hweɛ mu, afiase nna mu, sakasaka mu, adwumadene mu, kɔdaanna mu, kɔm mu.

⁶ Nea ɔboaa yɛ maa yɛyɔɔ ne nyinaa ne ahoteɛ, Nyankopɔn nimdeɛ, abotrɛ, ayamyɛ, honhom mu kronkronyɛ, dɔ mapa,

⁷ nɔkorɛ asɛnka ne Nyankopɔn tumi a tenenee akodeɛ a ɔya yɛ nsa nifa ne benkum ka ho;

⁸ yɛ sane animuonyam ne animguaseɛ mu, atenka bɔne ne atenka pa mu. Bebuu yɛ sɛ asisifoɔ nso yɛyɛ nɔkwafoɔ;

⁹ sɛ nnipa a bennim bɛ, nso benim yɛ paa; sɛ nnipa a beewu, nso hwɛ—yɛte ase; sɛ nnipa a bɛtwe bɛ aso, nso benku yɛ;

¹⁰ sɛ nnipa a beedi awerɛhoɔ, nso yɛ ani gye daa; sɛ ahiafoɔ, nso yɛma nnipa bebree nya bɛ ho; sɛ nnipa a benni hwee nso yɛwɔ nnoɔma nyinaa.

¹¹ O! Korintofoɔ; yɛakasa akyerɛ ho nɔkorɛ kwane so, yɛabie yɛ akoma mu ama ho.

¹² Yɛmfaa yɛ dɔ nkamee ho, na mmom ho ne hotwetwe ho nane ase yɛ ho.

¹³ Na meeka yei akyerɛ ho sɛ mma—nea hobɛyɔ ahyɛ yɛ anamu ne sɛ ho nso hobebie ho akoma mu ama yɛ.

Bɛbraa bɛ ne abosonsomfoɔ ntam ayɔnkofa

¹⁴ Ho ne bɛ a bɛnnye nni nnya twaka biaa. Na mmɛ ayɔnkofa ne da tenenee ne amumuyɔ ntam? Anaa ayɔnkofa bɛneɛ ne da hann ne sum ntam?

¹⁵ Na abɛ koroyɛ ne da Kristo ne Bilia (kyerɛ sɛ ne amumuyɔ anaa ahuhudeɛ) ntam? Anaa abɛ twaka ne da gyidini ne deɛ ɔnnye nni ntam?

¹⁶ Mmɛ ne abosom wɔ yɔ ne Nyankopɔn asɔrefie? Na yɛyɛ Nyankopɔn Teasefoɔ he asɔredane; sɛnea Nyankopɔn kaeɛ he, Mɛtena bɛ mu na mɛnante bɛ mu, na mɛyɛ bɛ Nyankopɔn, na bɛbɛyɛ me nkurofoɔ.

¹⁷ Nti homfiri bɛ mu, na honte ho ho mfiri bɛ ho, Awurade ne aka na hommfa ho nsa nka adeɛ a ho nte biaa; na mɛgye ho,

¹⁸ na mɛyɛ ho agya, na hobɛyɛ me mma, Awurade Tumfoɔ ne aka.