2 Korintofoɔ 4 - Apam Foforɔ

Agyapadeɛ a ogu nɛteɛ anwenneɛ mu

¹ Saa nti yɛmpa aba, osiane sɛ Nyankopɔn nam ne mmɔborɔhunu so ne de saa som adwuma yi ama yɛ.

² Yɛatwe yɛ ho afiri sum ase nnoɔma a ɔyɛ aniwuo he ho; yɛmma nnaadaa mma yɛ akwane mu; saa ara nso ne yɛmfra Nyankopɔn asɛm mu; na mmom yɛda nɔkorɛ he adi de di yɛ ho adanseɛ kyerɛ nnipa nyinaa ahonim ya Nyankopɔn anim.

³ Na sɛ yɛ asɛmpa he so akata ampa a, so akata ama bɛ a bɛɛyera.

⁴ Bɛ mu ne wiase nyame afira bɛ a bɛnnye nni he adwene ani, sɛ benhu asɛmpa he ho hann a ɔyɛ Kristo a ɔyɛ Nyankopɔn subane he animuonyam.

⁵ Na ɔnyɛ yɛ ho asɛm ne yɛka na mmom yɛpae mu ka sɛ Yesu Kristo yɛ Awurade na yɛ deɛ yɛyɛ ho nkoa Yesu nti;

⁶ efiri sɛ Nyankopɔn kaa sɛ, “Hann mfiri sum mu nhyerɛn,” ɔnoaa ne ahyerɛn yɛ akoma mu, sɛ Nyankopɔn animuonyam a ɔya Yesu Kristo anim he nimdeɛ nhyerɛn.

⁷ Nso yɛwɔ saa agyapadeɛ yi ya nɛteɛ anwenneɛ mu, na aada adi pefee sɛ, saa tumi a ɔboro so he yɛ Nyankopɔn deɛ, na mmom omfiri yɛ.

⁸ Yɛ ho ahiahia yɛ akwane nyinaa mu, nso yɛ homee nteeɛ; yɛ ho akyere yɛ, nso yɛ ani ntaneeɛ;

⁹ bɛtaa yɛ, nso Nyankopɔn nyii yɛ mmaeɛ; bɛbɔ yɛ hwe hɔ, nso yɛnsɛe;

¹⁰ daa yɛsoa Yesu wuo he yɛ nnipadua mu, na ama Yesu nkwa he nso ada adi yɛ nnipadua mu.

¹¹ Na yɛte ase yi, beyi yɛ ma wuo dabiaa ɔnam Kristo nti, na ama Kristo wuo he ada adi yɛ honam a obewu he mu.

¹² Nti wuo di dwuma yɛ mu, na nkwa di dwuma ho mu.

¹³ Na sɛdeɛ yɛwɔ honhom mu gyidie korɔ sɛdeɛ atwerɛ he teɛ he, “Megye diiɛ, na ɔma mekasaeɛ,” yɛ nso yɛgye di na ɔma yɛkasa,

¹⁴ efiri sɛ yenim sɛ deɛ ɔnyanee Awurade Yesu he benyane yɛ ne no nso, na ɔde yɛ ne ho aba n’anim.

¹⁵ Nɔkwasɛm ne sɛ, ho nti ne bibiaa ya hɔ, na sɛdeɛ adom trɛ ka nnipa bebree he, aseda nso adɔɔso ahyɛ Nyankopɔn animuonyam.

¹⁶ Nti yɛ akoma ntu, ɔyam sɛ yɛ nipadua he ɔɔsɛe deɛ, nso yɛ honhom he yɛ foforɔ da biaa.

¹⁷ Na saa amanehunu kakra yi a yɛɛfam yi, oosiesie yɛ ama daa animuonyam a ɔboro adeɛ nyinaa so a yentumi mfa seesei amanehunu yi ntoto ho koraa,

¹⁸ efiri sɛ yɛmfa yɛ ani nsi nnoɔma a yehu so, na mmom nea yenhu so; efiri sɛ nea yehu he twam frɛdɛ, na nea yenhu he ya hɔ afebɔɔ.