2 Korintofoɔ 3 - Apam Foforɔ

Paulo ahotosoɔ di n’adwuma ho adanseɛ

¹ Yeefiri aseɛ asane ayi yɛ ho ayɛ? Anaa ohia ma yɛ sɛ yɛde ayeyie krataa bra ho anaa yenya bi firi honkyɛne sɛnea binom yɔ no he?

² Ho ankasa hote sɛ krataa a bɛatwerɛ no yɛ akoma mu, na nnipa nyinaa hu kenkane;

³ na hoda no adi sɛ, hoyɛ Kristo krataa a bɛnam yɛ so atwerɛ, krataa a bɛamfa adubire na mmom Nyankopɔn honhom ne bɛde atwerɛ, ɔnyɛ aboɔ pono so na mmom nnipa akoma pono so.

⁴ Yei ne ahotɔsoɔ a yɛanya no Kristo mu Nyankopɔn fam.

⁵ Ɔnyɛ sɛ yɛfata sɛ yebesusu ahu bibi sɛ ofiri yɛ mu; na mmom fata a yɛfata he firi Nyankopɔn mu.

⁶ Ɔno ne wama yɛafata sɛ apam foforɔ mu asomfo, ɔnyɛ atwerɛeɛ mu na mmom Honhom mu; efiri sɛ, mmara atwerɛeɛ he bu fɔ kɔ wuom, na honhom he deɛ, ɔma nkwa.

⁷ Na afei sɛ wuo som a bɛde atwerɛdeɛ kurukyire guu aboɔ so nyaa animuonyam a Israelfoɔ antumi annyene bɛ ani anhwɛ Mose anim, ɔnam n’animuonyam a otwam he nti a,

⁸ ɔbɛyɛ dɛ ne Honhom som he mmom onnya animuonyam?

⁹ Na sɛ afobuo som he yɛ animuonyam a, hedeɛ na tenenee som he boro so bebree animuonyam mu!

¹⁰ Na mpo deɛ na kane he ɔwɔ animuonyam he nni animuonyam bio ɔnam animuonyam a ɔboro saa he nti.

¹¹ Na sɛ deɛ beyi sii nkyɛne he nam animuonyam mu ne baeɛ a, hedeɛ na deɛ ɔtena hɔ daa he wɔ animuonyam bebree.

¹² Ɔnam sɛ yɛwɔ saa anidasoɔ yi nti, yɛde akokoɔduro kasa,

¹³ ɔnyɛ sɛ Mose a ɔde nkatanimu kataa n’anim na Israel mma antumi annyene bɛ ani anhwɛ deɛ ootwa mu he awieeɛ.

¹⁴ Nso na bɛ akoma ɔdene; nɔkorɛ, ɔde besi nnɛ, sɛ bɛkenkane apam dadaa he a, nkatanimu heaa da so ya hɔ osiane sɛ Kristo nkoaa mu ne otwa mu.

¹⁵ Nɔkorɛ, ɔde besi nnɛ, sɛ bɛkenkane Mose nwoma he a, nkatanimu he da so kata bɛ adwene so;

¹⁶ nso sɛ bi dane ne ho hwɛ Awurade a, nkatanimu he firi hɔ.

¹⁷ Na Awurade ne Honhom he, na baabi a Awurade Honhom ya he, faahodie ya hɔ.

¹⁸ Na yɛ nyinaa yɛayi nkatanimu he afiri yɛ anim ne yɛɛhwɛ Awurade animuonyam te sɛ yɛɛhwɛ ahwehwem, wasesa yɛ afiri adom mu kɔ adom mu, na yei firi Awurade, honhom he.