2 Korintofoɔ 13 - Apam Foforɔ

Sɔhwɛ ho asotwe

¹ Mprɛnsa so di ne meeba honkyɛne. “Adansefoɔ mmienu anaa mmeɛnsa ano asɛm so ne kwaadu biaa begyina.”

² Mebɔɔ bɛ a bɛyɔɔ bɔne kane he ne bɛ a bɛaka he nyinaa kɔkɔ, saa nso ne seesei a menni ho hɔ he, meebɔ ho kɔkɔ, sɛnea meyɔɔ no berɛ a mebaa ho nkyɛne ne mprenu so he, sɛ meba bio a, menhu bɛ mmɔbɔ,

³ efiri sɛ hoohwehwɛ nsɛnkyerɛnne sɛ Kristo ne fa me so kasa. Ɔnyɛ mmerɛ ho fam, na mmom ɔwɔ tumi ho mu.

⁴ Bɛbɔɔ no asennua mu sɛ nipa a ɔmerɛ, nso ɔnam Nyankopɔn tumi so te ase. Na yɛ nso yɛyɛ mmerɛ ne mu deɛ, nso yɛne no nam Nyankopɔn tumi so bɛtena ase ho fam.

⁵ Honsɔ ho ho nhwɛ sɛ hote gyidie he mu anaa. Hommisa ho ho nhwɛ! Anaa honnim sɛ Yesu Kristo te ho mu?—Gye sɛ ebia homfata deɛ.

⁶ Na m’ani da so sɛ hobehu sɛ yɛ deɛ yɛnyɛ nnipa a bɛmfata.

⁷ Nso yɛbɔ Nyankopɔn mpaeɛ, na hoanyɔ bɔne biaa, ɔnyɛ sɛ ɔbɛkyerɛ sɛ yɛmfata, na mmom, sɛnea ɔbɛyɔ na hoanya adepa, na yɛ deɛ yɛayɛ sɛ nea yɛmfata.

⁸ Na yentumi nyɔ hwee ntia nɔkorɛ he, mmom nea yetumi yɔ he, yɛyɔ ma nɔkorɛ.

⁹ Yɛ ani gye berɛ a yɛyɛ mmerɛ na ho ho ɔdene. Yɛbɔ mpaeɛ sɛ hobɛyɛ pɛ.

¹⁰ Yei nti ne menni ho nkyɛne he, meetwerɛ yei abra ho, na sɛ meba a, me ne ho anni no dendene, sɛnea tumi a Awurade de ama me sɛ memfa nhyɛ dene na memmfa nsɛe he teɛ.

¹¹ Afei, nea otwa toɔ, me nuanom, makra ho. Honyɛ pɛ, honkyekyere ho ho ho ho werɛ, honnya adwene korɔ, hontena asomdwie mu, na dɔ ne asomdwie Nyankopɔn bedi ho akyi.

¹² Honkyeakyea ho ho dɔ kwane so.

¹³ Ahoteefoɔ he nyinaa kyeakyea ho.

¹⁴ Awurade Yesu Kristo adom, Nyankopɔn dɔ ne Honhom Kronkron ayɔnkofa nka ho nyinaa.