2 Korintofoɔ 10 - Apam Foforɔ

Honhom fam kõ

¹ Afei m’ankasa Paulo a sɛ meya honkyɛne a, meyɛ hufoɔ, nso sɛ menni honkyɛne a meyɛ kokoɔdurufoɔ ma ho he, menam Kristo dwoɔ ne n’ayamyɛ so srɛ ho,

² na sɛ meba honkyɛne a mamfa ahotɔsoɔ anyɔ m’adeɛ akokoɔduro so sɛnea mede nnamyɛ yɔ adeɛ tia bɛ a bɛhwɛ yɛ sɛnea yɛteɛ honam mu he.

³ Ɔyam sɛ yɛte ase honam mu deɛ, nso yenni akõ honam fam,

⁴ efiri sɛ akodeɛ a yɛde kɔ kõ he nyɛ honam fa mu deɛ, nso Nyankopɔn tumi ya mu sɛ yetumi de tutu nnoɔma a agye nhini gu. Yɛsɛe nsusuiɛ

⁵ ne bibiaa a ɔsõ a bɛama so atia Nyankopɔn nimdeɛ, na yɛafa adwene nyinaa nommum de ahyɛ Kristo asoɔmmerɛ ase.

⁶ Na yɛasiesie yɛ ho sɛ, sɛ hoyɔ setie adeɛ nyinaa mu a, yɛde asoɔdene nyinaa asotwe bɛma.

⁷ Honhwɛ deɛ ɔda hɔ pefee. Sɛ bi wɔ gyidie sɛ ɔyɛ Kristo deɛ a, ɔnkae sɛ, sɛdeɛ ɔyɛ Kristo deɛ he, saa ara ne yɛ nso yɛyɛ ne deɛ.

⁸ Na afei sɛ me hoahoa me ho boro so kakra ya tumidie a Awurade de ama yɛ sɛ yɛmfa nhyɛ ho dene, na ɔnyɛ sɛ yɛde bebu ho aba mu he ho mpo a, m’ani nwu.

⁹ Mempɛ sɛ ɔbɛyɛ ho sɛ mede nkrataa yi ɔɔbɔ ho hu;

¹⁰ efiri sɛ, bɛka sɛ, “Ne krataa he mu oduru na tumi yam, nso ɔya yɛ ntam a, ɔmmerɛ, na ɔkasa nso a, bɛmfa n’asɛm nyɔ hwee.”

¹¹ Ɔsɛ sɛ saa nipa he te aseɛ sɛ, nea yɛ krataa da no adi fa yɛ ho he, ne nea yɛya hɔ a yɛbɛyɔ he mmɔ abira.

¹² Na yentumi nkane yɛ ho mfra binom, na yentumi mfa yɛ ho ntoto binom a bɛkamfo bɛ ho kyerɛ he ho. Nɔkorem he, bɛ ho a bɛde yɛ susuhoma ma bɛ ho, na bɛde bɛ ho toto bɛ ankasa bɛ ho bɛ ho he kyerɛ sɛ benni nteaseɛ.

¹³ Na yɛdeɛ yɛnhoahoa yɛ ho mma no ntra so, na mmom nea yɛhoahoa yɛ ho ya ho nyinaa yɛ dwumadie a Nyankopɔn de ahyɛ yɛ nsa nkoaa, na ho nso ho ka saa adwuma he ho.

¹⁴ Na yɛanyɔ antra adwuma a Nyankopɔn de maa yɛ sɛ yɛnyɔ berɛ a yɛbaa ho nkyɛne he; efiri sɛ yɛde Kristo asɛmpa he abeduru ho nkyɛne nso.

¹⁵ Na yɛnhoahoa yɛ ho mma ɔntra so nkoduru binom adwuma ho, na yɛ ani da so sɛ, ho gyidie nyini a, yɛbɛyɔ ho mu kɛseɛ aboro so, sɛdeɛ adwuma a ɔde hyɛɛ yɛ nsa he teɛ

¹⁶ na ama yɛapae mu aka asɛmpa he ya nsaase a ɔya akyi nohoaa, na yɛamfa binom adwuma a bɛayɔ dada he anhoahoa yɛ ho.

¹⁷ “Na ma deɛ ɔhoahoa ne ho he nhoahoa ne ho Awurade mu.”

¹⁸ Na ɔnyɛ deɛ oyi ne ho ayɛ ne fata, na mmom deɛ Awurade yi no ayɛ he ne fata.