1 Timoteo 5 - Apam Foforɔ

Agyidifoɔ ho asodie

¹ Nkasa ntia panyini, na mmom tu no fo sɛ ɔyɛ w’agya, kasa kyerɛ mmaranteɛ sɛ wo nuanom,

² kasa kyerɛ mmaa mpanyimfoɔ sɛ wo nanom, kasa kyerɛ mmabaa sɛ wo nuammaanom ya ahoteɛ nyinaa mu.

³ Di akunafoɔ a benni aboafoɔ he ni, na ma bɛ ahiadeɛ nhia wo.

⁴ Sɛ kunani baa bi wɔ mma anaa nanaanom a, benni kane nsua nyamesom pa bɛ fie mu na bentua bibi mma bɛ awofoɔ; na yei ne sɔ Nyankopɔn ani.

⁵ Kunafoɔ baa a onni boafoɔ he de n’ani to Nyankopɔn so na okura nkotosrɛ ne mpaebɔ mu anadwo ne awia;

⁶ na kunani baa a odi honam akɔnnɔ akyi he yɛ teaseawuo.

⁷ Yeinom ho ne hyɛ bɛ, na bɛannya dimmɔne biaa.

⁸ Na sɛ bi anhwɛ ɔnoaa ankasa n’abusuafoɔ, ne titire ne fiefoɔ a, waapa gyidie he, na deɛ ɔnnye nni mpo yɛ kyɛne no.

⁹ Ansa na bɛde kunafoɔ bi dini bɛka ho he, ɔsɛ sɛ waadi firi mfie aduosia ɔɔkɔ na ɔwɔ ɔno ankasa ne kunu;

¹⁰ ɔsɛ sɛ bedi ne ho adanse-pa, sɛ ɔyɛ bi a watete mmɔfra, ayɔ ahɔhoyɛ, asom agyidifoɔ he ahobrɛaseɛ mu (ahohoro ahoteefoɔ he nane ase), aboa bɛ a bɛwɔ amaneɛ mu, na ɔde ne ho ama papayɔ adeɛ nyinaa mu.

¹¹ Na akunafoɔ mmaa a benyiniiɛ deɛ, mfa bɛ nhyɛ mu bi; efiri sɛ bɛ akɔnnɔ twe bɛ firi Kristo ho a bɛbɛpɛ sɛ bɛbɛware,

¹² na bɛyɔ saa a, bebenya afobuo sɛ bɛabu bɛ bɔhyɛ so.

¹³ Ɔno akyi he, besua aniha, kyinkyini afie mu, na bɛnyɛ aniha nkoaa, na mmom bedi nsekuro a bɛnenam terɛterɛ keka nsɛm a ɔnsɛ sɛ bɛka.

¹⁴ Nti mepɛ sɛ akunafoɔ a benyiniiɛ he wareware, wowo mma, na bɛhwɛ bɛ fie, na yɛamma tamfoɔ he kwane amma wanka yɛ ho asɛm bɔne.

¹⁵ Na binom asane akodi Satan akyi dada.

¹⁶ Sɛ gyidini baa bi wɔ abusuafoɔ a bɛyɛ akunafoɔ a, ma ɔmmoa bɛ; mma ɔmfa nto asafo he so, na asafo he atumi aboa akunafoɔ a benni mmoa he.

¹⁷ Ma bɛmfa anidie a odi mu mma asafo mpanyimfoɔ a bedi asafo he so yie he, titire ne bɛ a bɛka asɛmpa na bɛkyerɛkyerɛ;

¹⁸ na atwerɛ he ka sɛ, “Nkata nantwie a ɔɔpore aburo ano,” na “Paani akatua sɛ no.”

¹⁹ Nnye kwaadu a otia panyini biaa ntom gye sɛ ogyina adansefoɔ mmienu anaa mmeɛnsa anum asɛm so.

Adesrɛ ne afotuo

²⁰ Na bɛ a bɛkɔ so tena bɔne mu he deɛ, yi bɛ atene nnipa nyinaa anim na ama bɛ a bɛaka he nso bɛasuro.

²¹ Nyankopɔn ne Kristo Yesu ne abɔfoɔ a bɛayi bɛ he anim ne meebɔ wo kɔkɔ sɛ di saa nkyerɛkyerɛ yi so a wonhwɛ nnipa anim, na womfa ntɛnkyea nni dwuma biaa.

²² Mpre wo ho mfa wo nsa ngu biaa so, na nyɔ afoforɔ bɔne bi; ma wo ho nte.

²³ Nnom nsuo nkoaa bio, na wo yafunu ne mmerɛ a wotaa yɛ he nti, nom nsa kakraa bi nso!

²⁴ Nnipa binom bɔne da adi pefee de bɛ ɔɔkɔ atemmuo mu binom nso bɔne di bɛ akyi.

²⁵ Saa nso ne nnwuma pa nso da adi pefee; na sɛ anyɛ saa mpo a onhinta afebɔɔ.