1 Timoteo 4 - Apam Foforɔ

Akyerɛkyerɛfoɔ atorɔfoɔ

¹ Afei, Honhom he ka no pefee sɛ, awieeɛ berɛ he mu, nnipa binom bɛfam nnaadaa ahonhom ne ahonhommɔne nkyerɛkyerɛ ho apa gyidie he,

² ɔnam nyaatwom a ofiri atorɔfoɔ nkontompo nti. Yeinom yɛ nnipa a bɛ ahonim awu;

³ besi awadeɛ ho kwane ka sɛ, nnipa ntua bɛ ho nnuane a Nyankopɔn bɔɔ sɛ agyidifoɔ ne bɛ a bɛahu nɔkorɛ mfa aseda nni bi he;

⁴ na deɛ Nyankopɔn abɔ nyinaa yɛ, na yɛde aseda gye a, ɔnsɛ sɛ yɛpo bibiaa,

⁵ efiri sɛ Nyankopɔn asɛm ne mpaebɔ ne yɛde te ho.

⁶ Sɛ wode saa nkyerɛkyerɛ yi to anuanom anim a, wobɛyɛ Kristo Yesu somfo pa a bɛatete wo gyidie nsɛm ne nkyerɛkyerɛ pa a woadi akyire he mu.

Abrabɔ pa ho afotuo

⁷ Twe wo ho firi anansesɛm ne nsɛm hunu a ɔntɔ asum ho. Bɔ nyamesom-pa ho mmɔdene;

⁸ efiri sɛ honam fam mmɔdemmɔ ho hia deɛ, nso nyamesuro ho hia akwane nyinaa mu, na ɔwɔ nkwa a yɛya mu seeseiaa yi ne nkwa ɔbɛba he mu bɔhyɛ pa.

⁹ Asɛm he yɛ nɔkwasɛm a ɔsɛ sɛ bɛgye tom koraa a akyinnye biaa nni ho.

¹⁰ Yei nti ne yɛyere yɛ ho na yɛpre, na yɛ anidasoɔ ne Nyankopɔn teasefoɔ a ɔyɛ nnipa nyinaa, ne titire bɛ a bɛgye di he Agyenkwa.

¹¹ Saa nnoɔma yi ne si so dua, na kyerɛkyerɛ.

¹² Mma biaa mmu wo babunuyɛ animtia, na mmom yɛ nhwɛsopa kasaa, nneyɔeɛ, dɔ, gyidie ne ahoteɛ mu.

¹³ Nya mmerɛ ma twerɛsɛm kenkane, kasakyerɛ ne nkyerɛkyerɛ kosi sɛ mɛba.

¹⁴ Mmu w’ani ngu akyɛdeɛ a ɔya wo mu he so, meekyerɛ akyɛdeɛ a ɔnam nkɔmhyɛ so baa wo so, berɛ a asafo mpanyimfoɔ badwa he de bɛ nsa guu wo so he.

¹⁵ Saa nnoɔma yi ne yɔ, na nya ho mmerɛ nso, na biaa ahu wo nkɔsoɔ.

¹⁶ Ma w’ani mmara wo ho so ɔne wo nkyerɛkyerɛ so paa; toa so yeinom mu na wonam saa yɔ so bɛgye wo ne w’atiefoɔ nkwa.