1 Tesalonikafoɔ 5 - Apam Foforɔ

Biaa nnim da korɔ a Awurade bɛsane aba

¹ Na ɔfa nna ne mmerɛ he ho deɛ, anuanom, onhia sɛ bi twerɛ bibiaa bra ho.

² Efiri sɛ ho ankasa honim yie sɛ Awurade bɛba berɛ a nnipa ani nni bɛ ho so te sɛnea korɔmfoɔ ba anadwo he.

³ Na bɛka sɛ, “Yɛwɔ asomdwie ne ahotɔ he,” mpofirem ne sɛeɛ bɛba bɛ so, sɛnea awoko ba baa ɔnyem so, na benya kwane nnwane!

⁴ Na ho deɛ, anuanom, honni sum mu nti da he ɔnyɛ ho nwanwa, sɛnea korɔmfoɔ mmaeɛ yɛ he.

⁵ Na ho nyinaa ho yɛ hann mma ne adekyeɛ mma; yɛnyɛ anadwo anaa sum mma.

⁶ Saa nti hommma yɛnneda sɛ binom, na mmom homma yɛnnwɛne na yɛ ani nna hɔ;

⁷ na bɛ a bɛda he bɛda anadwo, na bɛ a bɛboro he boro anadwo.

⁸ Na esiane sɛ yɛyɛ adekyeɛ mma he nti, homma yɛ ani nna hɔ, na yɛnhyɛ gyidie ne dɔ sɛ nkataboɔ, ɔne nkwagyeɛ anidasoɔ sɛ dadeɛ kyɛ;

⁹ efiri sɛ Nyankopɔn anyi yɛ amma n’abufuo, na oyii yɛ sɛ yɛ Awurade Yesu Kristo nti, yemmenya nkwa.

¹⁰ Ɔno Kristo ne wu maa yɛ sɛ ɔbɛyɔ a sɛ yɛte ase oo, sɛ yewu oo, yɛne no bɛtena ase.

¹¹ Nti nkyekyere ho ho ho ho werɛ na honhyehyɛ ho ho ho ho dene, sɛnea hogu so ɔɔyɔ yi.

Afotuo ahodoɔ

¹² Na anuanom, yɛsrɛ ho, sɛ homfa anidie mma bɛ a bɛbrɛ ma ho na bedi ho so panyini Awurade mu, na betu ho fo he.

¹³ Homfa anidie paa mma bɛ dɔ mu, ɔnam bɛ nnwuma nti. Ho ne biaa ntena asomdwie mu.

¹⁴ Nti anuanom yɛhyɛ ho nkurane sɛ, honkasa nkyerɛ bɛ a bɛnante basabasa, honhyɛ bɛ a bɛ akoma abubu nkurane, ho mmoa bɛ a bɛayɛ mmerɛ, honya abotrɛ mma bɛ nyinaa.

¹⁵ Honhwɛ sɛ ho mu biaa ɔmfa bɔne ntua bɔne ka, na honhwɛ sɛ hobɛhwɛ afoforɔ yiedie berɛ biaa.

¹⁶ Homma ho ani nye bere biaa,

¹⁷ honnnyae mpaebɔ da,

¹⁸ honna ase tebea nyinaa mu; na yei ne Nyankopɔn pɛ ya ho fa mu, Kristo Yesu mu.

¹⁹ Honnnum Honhom he gya he.

²⁰ Hommu adiyisɛm sɛ adehunu,

²¹ honsɔ bibiaa nhwɛ, na honsɔ deɛ ɔyɛ he mu yie;

²² hontwe ho ho mfiri nnoɔma bɔne biaa ho.

²³ Asomdwie Nyankopɔn he ankasa nte ho ho koraa, ɔmfa ho honhom ne ho kra ne ho nipadua nsie yie ma onni mu, berɛ a ho ho ɔmma asɛm biaa wɔ Awurade Yesu Kristo mmaeɛ he mu.

²⁴ Nea wafrɛ ho he yɛ nɔkwafoɔ, na ɔbɛyɔ.

Nkradie

²⁵ Adɔfoɔ, hommɔ mpaeɛ mma yɛ.

²⁶ Homfa dɔ nkyeakyea anuanom nyinaa.

²⁷ Mehyɛ ho Awurade mu sɛ, homma bɛnkenkane nwoma yi nkyerɛ anuanom nyinaa.

²⁸ Yɛ Awurade Yesu Kristo Adom ne ho ntena.