1 Korintofoɔ 3 - Apam Foforɔ

Mpaepaemu a ɔya Korinto asafo he mu

¹ Ne saa nti, anuanom, mantumi ne ho ankasa sɛ honhom mufoɔ, na mmom sɛ honam mufoɔ, Kristo mu nkokoa.

² Nofosuo ne mede maa ho, na mmom ɔnyɛ aduane a mu oduru, efiri sɛ na hontumi nnye, na seeseiaa mpo, hontumi nnye.

³ Na hoda soaa yɛ honam mufoɔ. Na mprɛ dodoɔ a ahoɔyea ne apereapereɛ da so ya ho mu he, honyɛ honam mufoɔ a hobɔ ho bra sɛnea honam pɛ?

⁴ Na sɛ bi ka sɛ, “Meya Paulo afa,” na foforɔ nso ka sɛ, “Meya Apolo afa” a, na ɔnnyɛ nnipasɛm ne hoodi?

⁵ Na Apolo ne hwane? Paulo [nso] ne hwane? Bɛyɛ asomfo a honam bɛ so bɛgye diiɛ, sɛnea Awurade de maa biaa.

⁶ Meduaeɛ, Apolo guguu so nsuo, na ɔyɛ Nyankopɔn ne maa ne nyiniiɛ.

⁷ Ne saa nti, ɔnyɛ nea odua anaa nea ogugu so he ne ayɔ bibi, na mmom ɔyɛ Nyankopɔn a ɔma no nyini he a.

⁸ Nea odua ne nea ogugu so nsuo nyinaa wɔ botaeɛ baako, na biaa benya akatua sɛnea n’adwuma teɛ,

⁹ efiri sɛ yɛyɛ Nyankopɔn asomfoɔ a yɛyɔ adwuma bom. Hote sɛ Nyankopɔn afuo, ne ne dane.

¹⁰ Nyankopɔn adom a manya he te sɛ dansifoɔ nyansani a metoo fapem, na bi foforɔ oosi bi asi so. Ɔsɛ sɛ biaa hwɛ yie sɛdeɛ ɔto so fa;

¹¹ efiri sɛ biaa nni hɔ a obetumi ato fapem foforɔ bi aka fapem dada a bɛato a ɔno ne Yesu Kristo he ho.

¹² Afei sɛ bi de sika kɔkɔɔ, dwetɛ, aboɔ a ɔsombo, dua, serɛ, tõõ to fapem yi so a—

¹³ dansifoɔ biaa adwuma bɛda adi, na Da he bɛda no adi, efiri sɛ gya ne bɛde beyi no adi, na gya he bɛsɔ biaa adwuma a waayɔ ahwɛ.

¹⁴ Sɛ nea bɛasi no fapem he so he gyina a, dansifoɔ he benya akatua.

¹⁵ Sɛ dansifoɔ bi adwuma hye a, ɔbɛhwere adeɛ; na mmom, ɔno ankasa deɛ bɛbɛgye no nkwa, nso ɔte sɛ deɛ ɔnam gya mu.

¹⁶ Honnim sɛ hoyɛ Nyankopɔn asɔredane na Nyankopɔn Honhom te ho mu?

¹⁷ Sɛ bi sɛe Nyankopɔn asɔredane a, Nyankopɔn bɛsɛe saa nipa he nso, efiri sɛ Nyankopɔn asɔredane yɛ kronkron, na hoaa ne saa asɔredane he.

¹⁸ Biaa nnnaadaa ne ho. Sɛ bi susu sɛ ɔyɛ nyansafoɔ wiase yi mu a, ɔnyɛ sɛ kwasea na wayɛ nyansafoɔ ampa,

¹⁹ efiri sɛ wiase yi mu nyansa yɛ nkwaseasɛm ma Nyankopɔn. Na bɛatwerɛ sɛ, “Ɔkye anyansafoɔ bɛ aniteɛ mu”

²⁰ na bio, “Awurade nim (wiase mu) nyansani nsusuiɛ, sɛ ne nyinaa yɛ kwa.”

²¹ Nti mma biaa nhoahoa ne ho honam fam, efiri sɛ nnoɔma nyinaa yɛ ho deɛ,

²² sɛ Paulo oo, Apolo oo, Kefa oo, wiase oo, nkwa oo, wuo oo, seesei oo anaa daakye oo, ne nyinaa yɛ ho dea,

²³ na hoyɛ Kristo dea, na Kristo nso yɛ Nyankopɔn dea.