1 Korintofoɔ 16 - Apam Foforɔ

Toɔ a beyi kɔma Yerusalem asafo he mu ahiafoɔ

¹ Na afei ɔfa toɔ a bɛgye ma ahoteefoɔ he ho deɛ, honni nhyehyɛeɛ a mede maa Galatia asafo ahodoɔ he.

² Nnawɔtwe he mu da a odi kane biaa he, ho mu biaa nhwɛ deɛ wanya na onyi bibi nsie na ho mmoaboa ano, na amma sɛ berɛ a hobehu me hɔ he afei ne hoobɛgyegye ntoboa he.

³ Na sɛ meba a, mɛma bɛ a hode nwoma bɛma bɛ de akyerɛ sɛ bɛ ne bɛfata sɛ bɛde ho ntoboa he kɔ Yerusalem he de akɔ.

⁴ Na sɛ ohia sɛ me nso mekɔ bi a, mene bɛ bɛkɔ.

⁵ Mɛba honkyɛne berɛ a makɔfa Makedonia efiri sɛ mɛfa Makedonia.

⁶ Na ebia na matena ho nkyɛne kakraa bi anaa mpo medi awɔberɛ he nyinaa ya ho nkyɛne, na hoagya me kwane ama makɔ baabi a mɛkɔ.

⁷ Na mempɛ sɛ meetwa mu nkoaa ne mehu ho, na m’ani da so sɛ, sɛ Awurade ma ho kwane a medi ho nkyɛne nna kakra.

⁸ Na mɛtena Efeso akosi Pentekoste afahyɛ he,

⁹ efiri sɛ bɛabie pono kɛseɛ a mu adwuma bɛsõ aba ama me, nso bɛ a bɛasɔre atia dɔɔso.

¹⁰ Sɛ Timoteo ba a, honhwɛ na wammɔ hu berɛ a ɔya ho nkyɛne, efiri sɛ ɔɔyɛ Awurade adwuma te sɛ meaa,

¹¹ nti mma biaa mmu no animtia. Honya no kwane asomdwie mu, na ɔmmra me nkyɛne, na meehwɛ ɔne anuanom binom anim.

¹² Afei, yɛ nua Apolo deɛ, metuu no fo dendenndene sɛ ɔne anuanom mmra ho nkyɛne, nso na ɔmpɛ sɛ ɔbɛba koraa seesei, na sɛ ɔnya kwane a ɔbɛba.

¹³ Honwɛne, honyina pintinn ho gyidie mu, honya akokoɔduro, honyɛ dene.

¹⁴ Nea hobɛyɔ nyinaa, honyɔ no dɔ mu.

¹⁵ Afei anuanom, honim sɛ Stefano fiefoɔ ne nnipa a bedii kane de bɛ ho maa asɛmpa he ya Akaia, na bɛde bɛ ho ama ahoteefoɔ som he.

¹⁶ Metu ho fo sɛ hommrɛ ho ho ase mma nnipa a bɛte saa ne biaa a ɔde ne ho hyɛ som adwuma he mu, na ɔne bɛ brɛ bom.

¹⁷ Na m’ani gye Stefano ne Fortunato ne Akaiko mmaeɛ he ho, efiri sɛ honni menkyɛne he, bɛne bebesii ho anamu;

¹⁸ Na bɛmaa me honhom ne ho honhom ho dwodwoo bɛ. Nti honnye saa nnipa he ntom.

¹⁹ Asafo a ɔya Asia he kyeakyea ho. Akwila ne Priska, ne asafo a ɔya bɛ fie he kyea ho bebree, Awurade mu.

²⁰ Anuanom nyinaa kyea ho. Homfa dɔ nkyea nkyea ho ho.

²¹ Me Paulo me nsa ano nkyea di.

²² Sɛ bi mpɛ Awurade Yesu asɛm a, onnue! Yɛ Awurade bra!

²³ Yɛ Awurade Yesu adom nka ho ho.

²⁴ Me dɔ nka ho nyinaa Kristo Yesu mu. Amen!