1 Korintofoɔ 13 - Apam Foforɔ

Dɔ ho asɛm

¹ Sɛ mede nnipa ne abɔfoɔ kɛtrɛma kasa na menni dɔ a, mete sɛ twene a ɔyɔ dede anaa akasaa a ɔɔwoso.

² Na sɛ mewɔ nkɔmhyɛ tumi, na meyɔ ahintasɛm ne nimdeɛ nyinaa mu nteaseɛ, na mewɔ gyidie nyinaa ma metumi tutu mmepɔ, na menni dɔ a, mensɛ hwee.

³ Sɛ mede m’ahodeɛ nyinaa kyɛ, na mede me nipadua mma sɛ bɛnhye a, na menni dɔ a, menya ho mfasoɔ biaa.

⁴ Dɔ yɛ abodwokyɛre; dɔ yam yɛ, dɔ nyɛ anibereɛ anaa ahohoahoa, anaa ahomasoɔ

⁵ anaa dwɛɛ; ɔnyɔ deɛ ɔnoaa pɛ, onni koko bɔne anaa abufuo;

⁶ n’ani nnye bɔne ho, na mmom n’ani gye nɔkorɛ ho.

⁷ Ɔto ne bo ase adeɛ nyinaa mu, ɔgye adeɛ nyinaa di, ɔwɔ adeɛ nyinaa mu anidasoɔ, na ogyina adeɛ nyinaa mu pintinn.

⁸ Dɔ to ntwa da. Na nkɔmhyɛ deɛ, obetwam akɔ, kasa ahodoɔ nso bɛgyae; nimdeɛ nso bɛba awieeɛ,

⁹ efiri sɛ yɛ nimdeɛ nwie pɛyɛ, na yɛhyɛ nkɔm fa ne fa.

¹⁰ Na sɛ nea owie pɛyɛ he ba a, deɛ onwie pɛyɛ he bɛba awieeɛ.

¹¹ Meyɛ abɔfra he, mekasaa sɛ abɔfra, medwenee sɛ abɔfra, mesusuu sɛ abɔfra; na mebɛyɛɛ panyini he, magyae me mmɔfrasɛm he.

¹² Seesei deɛ, yehu nnoɔma tosee ahwehwem, na daakye deɛ he deɛ, yebehu bibiaa pefee. Seesei menim fa kakra bi; na daakye deɛ, mehu no yie, sɛdeɛ benim me yie he.

¹³ Na afei gyidie, anidasoɔ ne dɔ, nnoɔma mmeɛnsa yi ne ya hɔ, na mu kɛseɛ paa ne dɔ.