1 Korintofoɔ 12 - Apam Foforɔ

Honhom mu nnoɔma

¹ Na deɛ ɔfa honhom fam nsɛm ho deɛ, anuanom, mempɛ sɛ mede bibiaa sie ho.

² Honim sɛ kane he a na hoyɛ abosonsomfoɔ he, homa bɛdaadaa ho de ho kɔɔ abosom a bentumi nkasa hɔ.

³ Nti mepɛ sɛ hote aseɛ sɛ biaa a ɔnam Nyankopɔn honhom mu kasa he nka sɛ, “Yesu yɛ abusudeɛ,” na biaa ntumi nka sɛ “Yesu yɛ Awurade” gye sɛ ɔnam Honhom Kronkron so.

⁴ Afei, adom akyɛdeɛ he gu ahodoɔ, nso Honhom korɔ heaa ne de ma;

⁵ na som nnwuma he nso gu ahodoɔ nso Awurade baako heaa ne de ma;

⁶ na dwumadie nso gu ahodoɔ, nso Nyankopɔn baako he a ne di dwuma he nyinaa bɛ nyinaa bɛ mu.

⁷ Nso ɔma Honhom he da adi bɛ mu biaa mu na aba mfasoɔ ama bɛ.

⁸ Na ɔnam Honhom he so ma bi anyansasɛnka, bi nso ɔma no nimdesɛnka sɛdeɛ Honhom korɔ heaa pɛ.

⁹ Foforɔ nso ɔma no gyidie Honhom korɔ he a mu, bi nso ɔma no ayaresa adom akyɛdeɛ Honhom baako he a,

¹⁰ bi nso ɔma no nsɛnkyerɛnne, foforɔ nso nkɔmhyɛ, na foforɔ nso honhom ahodoɔ mu nhunumu, bi nso ɔma no kasa hodoɔ, na bi nso ɔma no kasa hodoɔ nkyerɛaseɛ.

¹¹ Na yeinom nyinaa Honhom korɔ he a ne yɔ, na ɔkyekyɛ ma biaa sɛdeɛ ɔpɛ.

Asafo he baakoyɛ

¹² Na sɛ nipadua he yɛ baako nso ɔwɔ akwaa bebree he, na akwaa he nyinaa dɔɔso, nso ne nyinaa yɛ nipadua baako he, saa ara nso ne Kristo nso teɛ.

¹³ Na Honhom baako mu ne bɛbɔɔ yɛ asu kɔɔ nnipadua baako mu, Yudafoɔ oo, Helafoɔ oo, nkoa oo, adehyeɛ oo—na bɛmaa yɛ nyinaa nomm Honhom baako.

¹⁴ Nɔkorɛ, nipadua he nyɛ akwaa baako, na mmom ɔyɛ akwaa bebree.

¹⁵ Sɛ nane ka sɛ, “ɔnam sɛ menyɛ nsa nti, menka nnipadua he ho” a, ɔno nkyerɛ sɛ ɔnka nipadua he ho.

¹⁶ Na sɛ aso bɛka sɛ, “ɔnam sɛ menyɛ ani nti, menka nnipadua he ho a,” ɔnkyerɛ sɛ ɔnka nnipadua he ho.

¹⁷ Sɛ nipadua he nyinaa yɛ ani a, nka deɛ yɛde bɛte ya he? Nka nipadua nyinaa yɛ deɛ bɛde te asɛm a, nka deɛ yɛde behua adeɛ ya he?

¹⁸ Na sɛdeɛ ɔteɛ yi, Nyankopɔn hyehyɛ nipadua akwaa he biaa sɛdeɛ ɔpɛ.

¹⁹ Sɛ ne nyinaa yɛ akwaa baako a, nka nipadua he ya he?

²⁰ Nso sɛdeɛ ɔteɛ he, yɛwɔ akwaa bebree, nso nipadua baako.

²¹ Ani ntumi nka nkyerɛ nsa sɛ, “Menhia wo,” na tire nso ntumi nka nkyerɛ nane sɛ, “Menhia wo.”

²² Mmom, nipadua akwaa a akɔyɛ sɛ ɔmmerɛ he, yentumi nkwati no,

²³ na yɛde anidie pii hyehyɛ nipadua akwaa a yɛdwene sɛ ne ho nhia papa he, na yebu akwaa a bemmu no he kyɛne so;

²⁴ berɛ a yɛ akwaa a ɔwɔ anidie kɛseɛ he nhia yei. Nso Nyankopɔn ahyehyɛ nipadua he de anidie a ɔkyɛne so ama akwaa a bemmu no he,

²⁵ na ntawantawadie amma nipadua he mu, na mmom, akwaa he anya tema korɔ amema bɛ ho bɛ ho.

²⁶ Sɛ akwaa baako hu amane a, bɛ nyinaa bɛ ne no hu amane; sɛ akwaa bi nya anidie a, bɛ nyinaa bɛ ne no ani gye.

²⁷ Afei ho yɛ Kristo nipadua na ho yɛ n’akwaa mmaako mmaako.

²⁸ Na Nyankopɔn de binom asi asafo he mu, deɛ odi kane, Asomafoɔ, deɛ ɔtɔ so mmienu, adiyifoɔ, deɛ ɔtɔ so mmeɛnsa, akyerɛkyerɛfoɔ; ansa na tumideɛyɔ, ansa na ayaresa akyɛdeɛ, mmoa ahodoɔ, akannie ahodoɔ, kasa hodoɔ.

²⁹ Yɛ nyinaa yɛ asomafoɔ anaa? Yɛ nyinaa yɛ adiyifoɔ anaa? Yɛ nyinaa yɛ akyerɛkyerɛfoɔ anaa? Yɛ nyinaa yɔ nsɛnkyerɛnne anaa?

³⁰ Yɛ nyinaa wɔ ayaresa akyɛdeɛ anaa? Yɛ nyinaa ka kasa ahodoɔ anaa? Yɛ nyinaa kyerɛ kasa ahodoɔ ase anaa?

³¹ Na hompre mpɛ akyɛdeɛ a ɔkyɛne so he. Na mɛkyerɛ ho kwane a odi mu kyɛne so he.