1 Korintofoɔ 10 - Apam Foforɔ

Abosonsom ho kɔkɔbɔ

¹ Anuanom, mempɛ sɛ mede sie ho sɛ agyanom hyɛɛ mununkum ase, na bɛ nyinaa bɛfaa po he mu,

² na bɛbɔɔ bɛ ne Mose nyinaa asu mununkum ne po he mu.

³ Na bɛ nyinaa bedii honhom fam aduane baako,

⁴ na bɛ nyinaa bɛnomm honhom fam anonneɛ baako. Na bɛnom firii honhom fam botane a na odi bɛ akyi he mu, na botane he ne Kristo.

⁵ Nso bɛ mu bebree ansɔ Nyankopɔn ani, na ɔtɔre bɛ ase serɛ he so.

⁶ Na nnoɔma yei siiɛ, de yɔɔ nhwɛsodeɛ maa yɛ, sɛdeɛ yɛ kɔno ɔnnɔ bɔne sɛnea bɛ akɔnnɔ maa bɛ yɔeɛ he.

⁷ Honnyɛ abosonsomfoɔ sɛ bɛ mu binom yɔeɛ he; sɛdeɛ bɛatwerɛ sɛ, “Na nkurofoɔ he tenaa ase didiiɛ na bɛ nomeeɛ, na bɛsɔre di agorɔ.”

⁸ Hommma yɛmmmɔ adwamane sɛ bɛ mu binom bɔeɛ maa bɛ mu mpem aduonu mmeɛnsa tɔɔ da koro he.

⁹ Hommma yɛnsɔ Kristo nhwɛ, sɛdeɛ bemu bi yɔeɛ he, na awɔ kukuu bɛ he.

¹⁰ Na honnnwiinwii sɛ binom yɔeɛ na sɛefoɔ he kukuu bɛ he.

¹¹ Nnoɔma yeinom nyinaa too bɛ sɛ ɔbɛyɛ nhwɛsodeɛ, na bɛatwerɛ sɛ ɔbɛyɛ kɔkɔbɔ ama yɛ, yɛ a yɛya awieeɛ berɛ mu yi.

¹² Nti nea ɔyɛ no sɛ ogyina hɔ he, ɔnhwɛ na wanhwe ase.

¹³ Nsɔhwɛ biaa nni hɔ a ato ho a bi ntoo nipa bi da. Na Nyankopɔn yɛ nɔkwafoɔ; na ɔmma bɛnsɔ ho nhwɛ ntra deɛ hobetumi, na mmom ho sɔhwɛ berɛ mu he obebie kwane ama ho, ama hoatumi agyina.

¹⁴ Nti adɔfoɔ, honwane mfiri abosonsom ho.

¹⁵ Mene ho kasa sɛ animdefoɔ. Honhwehwɛ nea meeka yi mu nya mu nhunumuu.

¹⁶ Nhyira kuruwaa a yehyira so he, ɔnyɛ ayɔnkoyɛ a yenya firi Kristo mogyaa he mu anaa? Na paanoo a yebubu he nso, ɔnyɛ ayɔnkoyɛ a yenya firi Kristo nipadua he mu anaa?

¹⁷ Esiane sɛ paanoo he yɛ baako nti, yɛ a yɛyɛ dodoɔ he nso yɛyɛ nipadua baako, efiri sɛ yɛ nyinaa yedi paanoo korɔ he bi.

¹⁸ Honhwɛ Israel, ɔnyɛ bɛ a bedi afɔdeɛ aduane he ne bɛ ne afɔrebokyia wɔ ayɔnkofa?

¹⁹ Afei mmɛ ne mepɛ sɛ mekyerɛ? Sɛ abosom afɔdeɛ yɛ bibi anaa sɛ bosom yɛ bibi?

²⁰ Daabi, mekyerɛ sɛ afɔdeɛ a bɛbɔ he, bɛbɔ de ma ahonhommɔne na bɛmmɔ mma Nyankopɔn. Memmpɛ sɛ ho ne ahonhommɔne nya ayɔnkofa.

²¹ Honntumi nnom Nyankopɔn kuruwaa ano na honsane nnom ahonhommɔne kuruwaa nso ano. Hontumi nnidi Awurade pono so na honsane nnidi ahonhommɔne pono nso so.

²² Anaa yɛpɛ sɛ yɛma Awurade twe ninkunu? Yɛ ho ɔdene kyɛne no anaa?

²³ “Yɛwɔ nnoɔma nyinaa ho kwane deɛ,” nso ɔnyɛ ne nyinaa ne mfasoɔ ya so ma yɛ. “Yɛwɔ nnoɔma nyinaa ho kwane deɛ,” nso ɔnyɛ ne nyinaa ne ma nkɔsoɔ.

²⁴ Honnhwehwɛ ho nkoaa ho yiedie, na mmom honhwehwɛ afoforɔ nso deɛ.

²⁵ Honni bibiaa a bɛtɔno no nam dwaso, na hommisabisa ho asɛm, ɔnam ho ahonim a obu ho fɔ nti,

²⁶ na “wiase ne mu nnoɔma deɛ ahyɛ no ma nyinaa yɛ Awurade dea.”

²⁷ Na sɛ deɛ ɔnye nni frɛ ho adidie na hopɛ sɛ hokɔ a, deɛ bɛde besi ho anim biaa he honni, na hommmisa ho asɛm, ho ahonim nti.

²⁸ Na sɛ bi ka kyerɛ ho sɛ, bɛde yei abɔ afɔdeɛ ama bosom a, deɛ ɔkyerɛɛ ho he ne n’ahonim nti—

²⁹ mekyerɛ foforɔ he ahonim nti, ɔnyɛ ho ahonim nti—honnni. Na mmɛ nti ne bi ahonim bu m’ahofadie ho atene?

³⁰ Na sɛ mede aseda di a mmɛ nti ne ɔsɛ sɛ bɛkasa tia me ɔnam bibi a mada ho ase ho?

³¹ Nti sɛ hodidi oo, honom oo, hoyɛ bibiaa oo, honyɔ ne nyinaa nhyɛ Nyankopɔn animuonyam.

³² Honnyɔ deɛ ɔbɛto Yudafoɔ anaa Helafoɔ anaa Nyankopɔn asafo he sintidua,

³³ sɛdeɛ meyɔ sɛ mɛsɔ nnipa nyinaa ani nea meyɛ biaa mu he, ɔnyɛ me nkoaa me yieyɔ nti, na mmom, nnipa nyinaa deɛ nso, sɛdeɛ bebenya nkwa.