Yobu 40 - Bòó Bibeli Luayãtaala

Gbɛ̃nazĩna lí fↄ̃ Lua bɛ̃̀ɛbòo

¹ Ɔ̃ Dii ɛ̀a ò Yobuɛ:

² Ma Gbãapiide, ńyↄ̃ ma tàae e ǹ ma gba laaia? Luabɛ̃ɛbona, yã́zãsia sa.

³ Ɔ̃ Yobu wèwà à mɛ̀:

⁴ Má pↄe ũo, kpelewa má wemai? Sema mà ↄku ma lɛ́wa bàasio.

⁵ Ma yã'ò gɛ̃n doɛ, má ɛa o lↄo, má ò gɛ̃n pla se, má a zã́si lↄo.

⁶ Ɔ̃ Dii ɛ̀a yã'ò Yobuɛ zàa'ĩana guu à mɛ̀:

⁷ Sↄukɛ lán gↄ̃sawa, má yãlalama, ní wea.

⁸ Ńyↄ̃ láka ma yãkɛa a zɛ́waa yã̀? Ń ye ǹ yã́'ĩikpaa, n yã́ na bↄ yã̀?

⁹ N gã̀sa gbãa kàmawaa? N lↄↄ a fↄ̃ gu dee lámawaa?

¹⁰ Zↄ̃ↄkɛ ń kíakɛo da nↄamblebↄↄ ũ, gawi ń bɛɛɛo da ulada ũ.

¹¹ Ǹ n pↄfɛ̃bↄbↄmá, waladeↄ gwa ń wɛ́ pãsĩo, widamá.

¹² Waladeↄ gwa ń wɛ́ pãsĩo, ní ń lao, ↄ̃zↄ̃má gu pↄ́ aa kuu,

¹³ ní ń vĩlɛ tɛ̃́ɛnau píi, ní pↄ́ fĩ ń oawa miau,

¹⁴ mí gbasa mà n sáaukpa, kɛ́ n fↄ̃ n zĩblè ń n ↄplaao yã́i.

Dalagↄ̃ↄ

¹⁵ Dalagↄ̃ↄ gwa, mámɛ ma aà kɛ̀ lá ma n kɛwa. Ì sɛ̃ ble lán zuwaɛ.

¹⁶ Aà yɛ̃̀ɛɛ ku aà wokpɛɛ, aà gbãa ku aà kutɛlɛnawaɛ.

¹⁷ Ì a vlã́ poo lán sɛdɛ líwa, aà gbala kĩ dɛ lán bataɛawaɛ.

¹⁸ Aà wáↄ dɛ lán mↄgotɛ̃wa, aà mɛguↄ dɛ lán mↄ̀ gowa.

¹⁹ Aà zↄ̃ↄ mɛ́ dɛ pↄ́ bɛ̃́ɛ pↄ́ má kɛ̀ↄla, mapi aà Kɛna ma fɛ̃nda kɛ̀ɛ̀.

²⁰ Gbɛ̀sĩsĩↄ mɛ́ aà blɛ'ekĩi ũ, we sɛ̃̀anↄbↄↄ ì kↄ̃̀ↄ'ou píi.

²¹ Ì wúlɛ íu kↄ̀lↄwɛɛ zíɛ, ìↄ ye feeu dã̀na guu.

²² Kↄ̀lↄwɛɛ ue ì daaàla, swagbalalaↄ ì kákaaàla.

²³ Baa tó swa gbakàka, ìli leelekɛo, tó Yuudɛ̃ isukaa lɛ́ aà lɛ́ lé, ìli deeo.

²⁴ Ńlɛ e wa fↄ̃ wà aà wɛ́ wíwi, wi aà kũ nɛe? Ńlɛ e wa e kↄ̃nikɛɛ̀, wi aà ní fↄ̃́ yã̀?

Kwãsa

²⁵ Ńyↄ̃ fↄ̃ kwãsa kṹ ń kokoao ǹ gálɛ ǹ bↄòe? Ńyↄ̃ fↄ̃ ba dↄ aà lɛ́nawae?

²⁶ Ńyↄ̃ fↄ̃ bà lɛɛna ká aà níue? Ńyↄ̃ fↄ̃ ǹ aà lɛtã zíɛ fↄ̃́ ń kúlaoe?

²⁷ A awakpakpanɛe? A yã́ nana onɛe?

²⁸ A lɛdoũkɛnnↄ ǹ a sɛ n zↄ ũ e a wɛ̃ni lɛ́u nɛe?

²⁹ Ńyↄ̃ kↄ̃̀ↄ'oò lá wì o ń bãowae? Ńyↄ̃ ba dↄwà ǹ kpa n nɛnↄɛnaↄwae?

³⁰ Laatanaↄ kwãsapi tↄɛmáe? Laayianaↄ aa aà tↄ̃nↄnakɛkↄ̃ɛe?

³¹ Ńyↄ̃ fↄ̃ ǹ aà pápa ń saao ǹ aà báa fↄ̃́e? Ńyↄ̃ fↄ̃ ǹ aà mi kɛ yáiyai ń sↄ̃naoe?

³² Wɛɛlɛ ↄkãwà ǹ gwa! Dɛ̃ɛpi a sãnguo, ńyↄ̃ si a sìawa lↄo.

Lean sinn:

Ceanglaichean taic

Sanasan