Bìoball air-loidhne

Yobu 35 - Bòó Bibeli Luayãtaala

Yobu zↄadↄa Luawaá pãɛ

¹ Ɛlihu ɛ̀a pɛ̀ a yã́lɛ à mɛ̀:

^2-3 Kɛ́ n mɛ̀ Lua a yãnakpama, ↄ̃ n ɛa n mɛ̀ bↄ́ ài kua duunasai vĩi, ge bↄ́ má sɛ́lɛ a guui, ńlɛ e yã́ pↄ́ ń bɛopi maa yã̀?

⁴ Mpi ń n gbɛ̃́ↄ, má yã́zãsiwá.

⁵ Wɛ́ sɛ ǹ luabɛ gwa, gwa lá luabɛpuana zã̀nnↄ mɛ̀!

⁶ Tó n duunakɛ̀, bↄ́ a wo Luawai? Tó n tàae lɛ́ diadi, bↄ́ a biwài?

⁷ Tó ń kú n dↄ̀ↄwa, bↄ́ ńlɛ aà gbai? Bↄ́ àlɛ emai?

⁸ N gbɛ̃́deeↄ ↄ̃ n vãikɛa ì pↄ́ womá, n gbɛ̃nazĩn deeↄ ↄ̃ n maakɛa ì àikɛnɛ́.

⁹ Gbãamↄanɛ́ pãsĩ ì to wà wiilɛ wà mɛ wá sí gbɛ̃́ taiinkɛnaↄwa.

¹⁰ Ãma an gbɛ̃e lí mɛ Lua a Kɛna ku máɛo. Ɔ̃mɛ ì to wàↄ lɛtɛ̃ dↄ gwã́,

¹¹ ì yãdawɛ̃ɛ dɛ nↄ̀bↄↄla, ì wá gba ↄ̃nↄ dɛ bãↄla.

¹² Tó wà wiilɛ̀wà, ìli yãmamáo, kɛ́ gbɛ̃vãipiↄ ìↄ dↄ́ɛwà yã́i.

¹³ Wii pãɛ! Lua lí swã́sɛio, Gbãapiide lí ń yãdao.

¹⁴ Baa kɛ́ n mɛ̀ ni wɛsiaàlɛo, n yã́ aà kĩ́i lè, sↄ̃́aaàzi.

¹⁵ Kɛ́ àlɛ pↄkũmabↄbↄmá tia kɛ́wao ↄ̃ ńlɛ e àlɛ tàae pↄ́ wa kɛ̀ↄ yãdaoɛa?

¹⁶ Beewa Yobu yãpã ò, à yã́ pↄ́ á a gbadↄ̃o bↄ̀lɛ.

Lean sinn:

Ceanglaichean taic

Sanasan