Yobu 26 - Bòó Bibeli Luayãtaala

Yobu dↄ̃ Luaá Gbãapiideɛ

¹ Ɔ̃ Yobu mɛ̀:

² N dↄ yɛ̃̀ɛɛsaidelɛn wee? N ↄdà gbãasaidewan wea?

³ N lɛdà ↄ̃nↄsaidewan wee? N bↄ ń wɛzɛ̃ zↄ̃ↄon wee?

⁴ N yã́pi ò ń dé gbãao ni? Dé mɛ́ dↄ̀aanɛ n yã́ bee òi?

⁵ Gyaadeↄ lɛ́ pelembo ísia ń pↄ́ pↄ́ kú a guuↄ zíɛ.

⁶ Bɛda yãe ulɛa Luaɛo, pↄe daaɛ̀ gɛↄbɛlao.

⁷ Ì gugbãntoo musu kpálɛ bàlumaa, a tò dṹnia gola síiↄ̃ looa pↄewao.

⁸ Ì í ye a bɛ puanau. Ń ípi gbiakɛo luabɛpuanapi lí pũnao.

⁹ Ì pↄ́ kú mↄ ↄsikɛala, ì lousisia daa.

¹⁰ À iadà ísiaɛ gu'ea lɛ́ zɛlɛu, a dɛ kↄↄ ũ gupua ń gusiao zãnguo.

¹¹ Tó Lua pũ̀na, gu ì dee, tó à kã̀a, ì bↄ ń saɛ.

¹² À ísia yà ń a gbãao, à kwãsa wìwi ń a dↄ̃ao.

¹³ A tò gu wèe ń a lɛ́'ĩanao, à mlɛ̃̀ kↄ̃̀nikↄ̃ni bàwãade zↄ̃̀ɛ ń ↄo.

¹⁴ Aà yãkɛaeↄn we, a yↄↄna wálɛ ma we. Wá fↄ̃ wà aà gↄ̃sakɛyãↄ gbadↄ̃ píio.

Lean sinn:

Ceanglaichean taic

Sanasan