Yobu 23 - Bòó Bibeli Luayãtaala

Yobu yea kↄ̃'ea ń Luaoi

¹ Ɔ̃ Yobu mɛ̀:

² Baa e tia málɛ yã́kũtɛ̃ka wɛ̃nannↄ, Lua ↄtↄ̃̀a gbã́ugbãu, málɛ aaukɛ.

³ Tó má dↄ̃ gu pↄ́ má aà eu, dↄ̃ ma gɛ aà kĩ́i.

⁴ Má a yã́ↄ dↄdↄɛ̀, má lɛkpaakɛaànↄ,

⁵ mí ma lá a wea, míↄ yã́ pↄ́ a omɛɛ tàasi kũa.

⁶ A sòlekɛmanↄ a gbãa pua lɛ́u nɛe? Aawo! A íbɛlɛsɛmanↄo.

⁷ Wekĩi gbɛ̃maa a e yã'ouɛ̀, ma yã́kpalɛkɛnapi i ma kɛ̃ e gↄↄpii.

⁸ Tó ma gɛ gukpɛ oi, a ku weo, tó bɛ'aɛɛ sↄ̃, mili aà e weo.

⁹ Tó àlɛ zĩkɛ gugbãntoo oi, mili wɛsiaàlɛo, tó à lìlɛ gɛↄmidↄkĩi oi, mili aà wɛ́ páo.

¹⁰ Ãma a zɛ́ pↄ́ má sɛ̀ dↄ̃, tó à ma yↄ̃, má bↄ lán vuawaɛ.

¹¹ Ma aà kɛ̀sɛ kũ̀, ma aà zɛ́ sɛ̀, mi lilɛo.

¹² Mi bↄ aà yãdilɛaↄ kpɛo, yã́ pↄ́ bↄ̀ aà lɛ́u kɛ̀mɛɛ na dɛ ma pↄbleaa.

¹³ A ku ado, dé mɛ́ a fↄ̃ zɛ giɛ̀i? Yã́ pↄ́ kàaàgu ↄ̃ ì kɛ.

¹⁴ A zĩkɛ yã́ pↄ́ a dìlɛmɛɛwa, mɛ́ a yã́ↄ kũa a nↄ̀sɛu dasi lↄ.

¹⁵ Bee yã́i gili ì gɛ̃magu aà aɛ, tó ma làasookɛ̀wà, iwãa ì ka ma pↄaɛ.

¹⁶ Lua ma kãdɛ̀, Gbãapiide vĩadàdamazi.

¹⁷ Gusia kù ma wɛ́a, ãma i to ma nilɛo.

Lean sinn:

Ceanglaichean taic

Sanasan