Yobu 17 - Bòó Bibeli Luayãtaala

Yobu wɛ́ dↄ pↄei lↄo

¹ Ma nisĩna lɛ́ gɛ̃zɛa, ma gↄↄ lɛ́ mↄ pai, mia'ɛ lɛ́ ma dã́.

² Gbɛ̃́laanikɛnaↄ kálɛmazi, ma wɛ́ ì ma lɛwɛnapiↄ e.

³ Lua, ǹyↄ̃ dɛ ma kↄ́ↄ ũ. N bàasio, dé mɛ́ a zɛmanↄi?

⁴ Lá ń tò aa gↄ̃̀ nↄ̀sɛsaideↄ ũ, ńsu to aa tidↄmalao.

⁵ Gbɛ̃́ pↄ́ ì a gbɛ̃na kpámá pↄ́ yã́i, aà nɛ́ↄ wɛ́ aↄ dↄ pↄ́i e an wɛ́ woɛ.

⁶ Lua tò gbɛ̃́ↄ yãadàmanↄ, ma gↄ̃ gbɛ̃́ pↄ́ wì lɛ́'ikakawà ũ.

⁷ Pↄsia tò ma wɛ́ lɛ́ gu'e lↄo, ma guↄ gↄ̃̀ záazaannↄ.

⁸ Ma yã́ dì gbɛ̃maaↄwa, tàaesaideↄ nↄ̀sɛ fɛ̀lɛ luayãmansaiↄ yã́ musu.

⁹ Gbɛ̃maa a gɛ àↄ kú ń a yãkɛaↄ, yãesaide gbãa aↄ dɛdɛɛ.

¹⁰ Ápiↄ sↄ̃ à ɛa na yã́wa lↄ ápii, mi á gbɛ̃e e ↄ̃nↄna ũo.

¹¹ Ma gↄↄ pà, yã́ pↄ́ ma a zɛ́ kàlɛ kɛ̀ fama, yã́ pↄ́ ma pↄ dↄmápiↄ.

¹² Aaìↄ e gwãasĩnaá fãanɛɛ, tó gu lɛ́ gɛ̃kↄ̃u, aaì mɛ guwɛ lɛ́ kɛ̃́ɛ.

¹³ Tó bɛda ↄ̃ ma wɛ́ dↄi, mɛ́ ma a pɛ kpàlɛ gusiau,

¹⁴ tó má ò mia'ɛ mɛ́ ma de ũ, mɛ́ má ò kↄ̀ↄↄ mɛ́ ma da ń ma dãeↄ ũ,

¹⁵ bↄ́ ma wɛ́ aↄ dↄi lↄi? Wa ma e ń gweao lↄi?

¹⁶ Tãmaa aↄ ma nɛ e bɛdau nɛe? Wá si tɛ̃́ɛnau sãnu yã̀?

Lean sinn:

Ceanglaichean taic

Sanasan