Yáasiↄ 9 - Bòó Bibeli Luayãtaala

Ɔ̃nↄ ń sↄũkɛo

¹ Ɔ̃nↄ a kpɛ́ dↄ̀, à a gbapɛlɛↄ ã̀ mɛ̀n sopla a pɛ̀lɛpɛlɛ.

² À nↄ̀ↄ dɛ̀ à vɛ̃ɛ kɛ̀kɛ, à blɛↄ sↄukɛ̀ a kàlɛ.

³ À a wɛ̃́ndia zĩkɛnaↄ zĩ̀, àlɛ lɛzu wɛ̃́lɛ sĩ̀sĩ misonaa à mɛ̀:

⁴ Gbɛ̃́ pↄ́ nↄ̀sɛ vĩoↄ à ɛa mↄ kɛ! Ɔ̃nↄkɛ̃sãmadeↄ málɛ oɛ́,

⁵ à mↄ blɛblemanↄ, í vɛ̃ɛ pↄ́ má kɛ̀kɛ mi.

⁶ À sↄũkɛ tó, íↄ aafia, í táa'o wɛ́kɛ̃a zɛ́u.

⁷ Gbɛ̃́ pↄ́ lɛ́ lɛda gbɛ̃́laanikɛnawa ì gↄ̃ sↄ̃́sↄ̃ɛɛ, gbɛ̃́ pↄ́ lɛ́ vãikɛna dazɛwa ì gↄ̃ tàaeɛɛ.

⁸ Ńsu gbɛ̃́laanikɛna dazɛwao, asa a ĩ́isɛnnↄɛ. Ɔ̃nↄna dazɛwa, iↄ yenzi.

⁹ Yãda ↄ̃nↄnaɛ, aà ↄ̃nↄ i dɛdɛ, yã'o gbɛ̃maaɛ, aà dↄ̃a i kã́fĩ.

¹⁰ Vĩakɛa Diiɛ mɛ́ ↄ̃nↄ daalɛa ũ, Lua pↄ́ a kua adoa dↄ̃a mɛ́ wɛ́kɛ̃a ũ.

¹¹ Asa ńyↄ̃ gɛ̃gɛ̃ ma sabai, n wɛ̃ni a gbã̀akũ.

¹² Tó ń ↄ̃nↄ, nzĩaɛɛ, tó gbɛ̃'awiambↄnan n ũ, n mi musu.

¹³ Mìsaikɛ dɛ lán nↄɛ lɛdewaɛ, a sↄũ mɛ́ a yãe dↄ̃o.

¹⁴ Ì zↄ̃lɛ kìlau a kpɛɛlɛ, aà kpɛ́ kú wɛ̃́lɛ sĩ̀sĩ musu,

¹⁵ ì lɛzu gbɛ̃́ pↄ́ lɛ́ gɛ̃ↄzi, ì o gbɛ̃́ pↄ́ zɛ́ kũa súsuↄnɛ:

¹⁶ Làasoosaide, ɛa mↄ kɛ! Ɔ̃nↄkɛ̃sãmade, málɛ onɛ,

¹⁷ í kpã́i mia ìↄ na, blɛblea asii guuá zↄ́ɛ.

¹⁸ Gↄ̃ɛpi dↄ̃ kɛ́ gↄ̃a gyaade ũ zɛ́n weo, gbɛ̃́ pↄ́ à ń sisiↄ sì bɛda gbã́ou.

Lean sinn:

Ceanglaichean taic

Sanasan