Yáasiↄ 20 - Bòó Bibeli Luayãtaala

¹ Vɛ̃ɛ ì to wà gↄ̃ láanipↄ ũ, í gbãa ì ń da yãbↄlɛu, gbɛ̃́ pↄ́ tò à a dɛ ↄ̃nↄ vĩo.

² Kía palaaá nↄ̀ↄmusu pũnaaɛ, gbɛ̃́ pↄ́ aà pↄ fɛ̃̀ɛ̀ azĩa kpà gaiɛ.

³ Lɛdaa lɛkpaau sai ì to wàↄ bɛɛɛ vĩ, faasaideↄ ìↄ kãa ḿpiiɛ.

⁴ Màade lí sapa a gↄↄo, tó à gɛ̀ bua pↄkɛkɛgↄↄ, ìli pↄe eo.

⁵ Gbɛ̃nazĩna sↄ̃ yã́ dɛ lán ísiwaɛ, wɛzɛ̃na mɛ́ a tↄa dↄ̃.

⁶ Gbɛ̃́ daside ì a gbɛ̃kɛkɛanɛ́ yã'o, ãma bↄa gbɛ̃́ náaidewa zĩ'ũ.

⁷ Gbɛ̃́ pↄ́ ì yãkɛ a zɛ́wa mɛ́ maa, báaaden nɛ́ pↄ́ à gà à ń tóↄ ũ.

⁸ Kía zↄ̃lɛa a yã́kpalɛkɛkĩi ì vãi píi dↄ̃ a wɛ́ guu à plɛkↄ̃u.

⁹ Dé mɛ́ a fↄ̃ o a nↄ̀sɛ yãe vĩo á kú duunasai wásawasaɛi?

¹⁰ Kiloolɛa vãi ń gbɛ̃blezaao, Dii za beeↄu píiɛ.

¹¹ Baa kↄ̃̀ↄ'oa guu wì dↄ̃ nɛ́wa, tó aà yãkɛa maa mɛ́ a dↄ̀ↄ vĩ.

¹² Swã́ pↄ́ wì yãmaò ń wɛ́ pↄ́ wì gu'eoo Dii mɛ́ ń kɛ́ píi.

¹³ Tó ń ye ii, ńyↄ̃ gↄ̃ taaside ũɛ, tó n wɛ́ i vĩo, blɛ a mↄma.

¹⁴ Pↄluna ì mɛ: I ka màao! I ka màao! Tó à kàò aɛ, ì azĩa sáaukpa.

¹⁵ Vua saio, òso diɛ, ãma bↄa yãfaade'onawa àao.

¹⁶ Tó gbɛ̃́ nibↄ fĩa dì a miwa, ǹ aà ula si ǹyↄ̃ kũa tↄ̀ↄma ũ gbɛ̃́pi gɛ̃ɛ ũ.

¹⁷ Dìidiina pↄblea ìↄ nanɛ́, gbɛzã sa ì gↄ̃ lɛ́u lán gbɛ̀kↄsↄwa.

¹⁸ Zɛ ń yã́o lɛdama musu, yã́ gwa maamaa, ní gbasa zĩka.

¹⁹ Gbɛ̃pena ìↄ bɛ ń dãↄ asiioɛ, ńsu yãalɛ ń yãbↄlɛn zↄ̃ↄdeoo.

²⁰ Gbɛ̃́ pↄ́ a de ge a da kà, aà filia a gawà gusia níiniiuɛ.

²¹ Túbiblea káau taasidↄ̃sai líↄ báaa vĩ gbɛzão.

²² Ńsu vãi tↄsia làasookɛo. Sↄ̃́a Diizi à n suaba.

²³ Dii za kiloolɛa vãiuɛ, gbɛ̃blezaa lí káaàguo.

²⁴ Dii mɛ́ ì gbɛ̃nazĩna kɛ̀sɛ dↄdↄ. Kpelewa gbɛ̃́ a yã́ pↄ́ a kɛ zɛ́ dↄ̃i?

²⁵ Wã lɛgbɛ̃a Luaɛ kai vĩ, gbɛzã ńyↄ̃ làasookɛ lɛ́ pↄ́ ń kɛ̀wàpiwa.

²⁶ Kía ↄ̃nↄna ì gbɛ̃vãiↄ plɛ à ń ká gbɛu à ń kɛ kɛ́lɛkɛlɛ.

²⁷ Dii filia ì gbɛ̃nazĩna làasoo pu, ì aà nↄ̀sɛkpɛaↄ tàasika píi.

²⁸ Gbɛ̃kɛ ń náaio mɛ́ kía dↄ̃̀anaↄ ũ, gbɛ̃kɛkɛa ì aà kpala zɛdↄ.

²⁹ Ɛ̀waasoↄ gbãa mɛ́ ń ĩ́andãbↄ ũ, maezↄ̃ↄↄ mikã pua mɛ́ ń gawi ũ.

³⁰ Gbɛ̃a pↄ́ ì gɛ̃ńgu ì vãi wolomá, flã'ↄ̃ama ì gɛ̃ e za nↄ̀sɛkpɛau.

Lean sinn:

Ceanglaichean taic

Sanasan