Wɛ̃n 5 - Bòó Bibeli Luayãtaala

Wabikɛa kua ĩadamau

¹ Dii, to yã́ pↄ́ wá lé dↄngu! Gwa ǹ gwa lá wà widàwá.

² Buipãleↄ mɛ́ gↄ̃̀ wá bùsu vĩ, zĩ̀loↄ mɛ́ kú wá kpɛ́ↄ guu.

³ Wa gↄ̃ nɛtonɛↄ ũ desai, wá daↄ gↄ̃̀ gyaaↄ ũ.

⁴ Í pↄ́ wá vĩ, wi luɛ wà gbasa mi, baa wázĩa yàa wi ↄ̃abↄ wà luɛ sa.

⁵ Wá ibɛɛↄ looawála, wa kpasa, wi ĩ́ampakĩi eo.

⁶ Wa ↄdↄ̀ Egipiↄ ń Asiliↄzi kɛ́ wà blɛ e à mↄ́wá yã́i.

⁷ Wá maeↄ duunakɛ̀, aa ku lↄo, ↄ̃ an tàaeↄ lɛ́ wí wá musu.

⁸ Zↄↄ mɛ́ lɛ́ kiblewá, gbɛ̃e ku à wá bↄ ń ↄzĩo.

⁹ Wi blɛ wɛɛlɛ kai guuɛ gbãamↄnɛde pↄ́ kú sɛ̃uↄ yã́i.

¹⁰ Wá báa wã̀ lán oo pↄ́ di tɛ́awa, nↄana mↄ̀ ń mɛ̀wãa pãsĩo.

¹¹ Wà gbãamↄ̀ wɛ̃́ndiaↄnɛ Siↄna ń wá Yudaↄ wɛ̃́lɛↄ guuo.

¹² Wà kíaↄ yèye ń ↄↄwa wà ń loo, wi bɛɛɛ dↄ̃ maezↄ̃ↄↄnɛo.

¹³ Wì wísilↄgbɛ di ɛ̀waasoↄnɛ, nɛgↄ̃ɛnaↄ lɛ́ fu yàabaaawa.

¹⁴ Gbɛ̃zↄ̃ↄↄ lí kãaa gãaɛ lↄo, ɛ̀waasoↄ kã́mabò ń lɛsiao.

¹⁵ Wá pↄna làa, wá ↄ̃wãa gↄ̃̀ búbuapɛa ũ.

¹⁶ Wá fùa gò wá miwa à lɛ̀lɛ, waiyoo wápiↄ, wa duunakɛ̀.

¹⁷ Bee yã́ mɛ́ tò wá pↄ yà, yã́ beeↄ yã́i wá wɛ́ sìsi.

¹⁸ Siↄna gbɛ̀sĩsĩ gↄ̃̀ bɛzia ũɛ, we gbɛ̃gbonaↄ ì kìlimpau.

¹⁹ Mpi Dii, niↄ kible gↄↄpiiɛ, n zↄ̃lɛa báawa láaa vĩo.

²⁰ Bↄ́yãi wá yã́ ìↄ sãangui? Ńyↄ̃ wá vũaa e wá wɛ̃ni lɛ́u yã̀?

²¹ Dii, to wà suma, wí su. To wà ɛa su wá pá ziu.

²² Ge n giwázi fĩ́afĩa yã̀? N pↄ fɛ̃̀wázi dúuduu yã̀?

Lean sinn:

Ceanglaichean taic

Sanasan