Soũ 98 - Bòó Bibeli Luayãtaala

Dii mↄa táasilɛa

¹ À lɛ̀ dafu sí Diiɛ, asa à yãbↄnsaɛↄ kɛ̀, à zĩblè ń a gã̀sa pↄ́ a kua adoa gbãao.

² Dii tò wa dↄ̃̀ a zĩblè, à a gbɛ̃suabaa gbãa ↄ̀lↄ bui píiɛ.

³ Gbɛ̃kɛ ń náai pↄ́ a vĩ ń wá Isailiↄ dↄaàgu. E dṹnia lɛ́wa wa è lá wá Lua zĩblè.

⁴ Dṹnia gbɛ̃́pii, à pↄna wii dↄ Diiwa, à vĩ ń wiio, à gulakɛ à lɛ̀ sí.

⁵ À lɛsi Diiɛ ń mↄↄnlɛao, ń mↄↄnlɛao ń lɛtɛ̃dↄawao

⁶ ń kã̀aepɛao ń kuu'ↄo, à pↄna wii dↄ Dii wá Kíawa.

⁷ Ísia ń pↄ́ pↄ́ kúuↄ, à kↄ̃fĩkɛ, ń tↄↄlɛo ń gbɛ̃́ pↄ́ kuwàↄ píi.

⁸ Swaↄ, à gã̀alɛ Dii aɛ. gbɛ̀sĩsĩↄ, à gulakɛ sãnusãnu,

⁹ asa àlɛ mↄ́ yã́kpalɛkɛi tↄↄlɛɛ. A yã́kpalɛkɛ ń dṹniao a zɛ́wa, a yã́gↄ̃gↄ̃ gbɛ̃́ↄnɛ ń sĩanao.