Soũ 97 - Bòó Bibeli Luayãtaala

Dii mↄa

¹ Dii mɛ́ lɛ́ kible! Dṹnia gbɛ̃́ↄ, à pↄnakɛ, ísiabaadeↄ, àↄ ku pↄna guu.

² Luabɛpuana ń a sianao liaaaàzi, yã́zɛde ń yãmaao mɛ́ aà kpala zĩ́na ũ.

³ Tɛ́ ìↄ dↄaaaɛ̀, ì kũ aà ibɛɛ pↄ́ liaaaàziↄwa.

⁴ Aà loupilɛaↄ ì tↄↄlɛ pu, tó dṹnia è, ì lualua.

⁵ Gbɛ̀sĩsĩↄ ì yↄ lán zↄ́nisiwa Dii aɛ, dṹnia gbɛ̃́pii Diipi aɛ.

⁶ Musudeↄ ì aà maakɛa kpàwakɛ, bùsu píi gbɛ̃́ↄ ì aà gawi e.

⁷ Wí ì tã́agbagbanaↄ kṹ, gbɛ̃́ pↄ́ aaì ĩ́anadã ń tã́apiↄ. Diipiↄ kúlɛ aà aɛ ḿpiiɛ.

⁸ Tó Siↄnadeↄ mà, aa pↄnakɛ, Yuda wɛ̃́lɛdeↄ aaↄ ku pↄna guu n yã́kpalɛkɛaↄ yã́i, Dii.

⁹ Dii Musuden n ũ dṹnia gbɛ̃́piiɛ, n zↄ̃ↄ dɛ diiↄla píi.

¹⁰ Gbɛ̃́ pↄ́ ye Diiziↄ, à za vãigu. Ìↄ a yãmanaↄ wɛ̃ni kũanɛ́, ì ń bↄ vãikɛnaↄ ↄu.

¹¹ Ì gupu gbɛ̃maaↄnɛ ń zɛ́u, ì pↄna tↄ̃ nↄ̀sɛpuadeↄ guu.

¹² Gbɛ̃maaↄ, à tó á pↄ kɛ Diiwa na, à aà tↄbↄ, asa a ku adoa.

Lean sinn:

Ceanglaichean taic

Sanasan