Soũ 95 - Bòó Bibeli Luayãtaala

Lua táasilɛa

¹ À mↄ wà pↄna wii dↄ Diiwa, wà guladↄ gbɛsi pↄ́ ì wá bↄwa.

² Wà gɛ́ aà aɛ wà aà sáaukpa, wà lɛsi wà aà táasilɛ.

³ Asa Dii mɛ́ Lua zↄ̃ↄde ũ. Kía zↄ̃ↄɛ, a dɛ dii píia.

⁴ Tↄↄlɛ nↄna ku aà ↄzĩɛ, gbɛ̀sĩsĩ misonaↄá aà pↄ́ɛ.

⁵ Ísiaá aà pↄ́ɛ, ↄ̃mɛ kɛ̀, ↄ̃mɛ tↄↄlɛ ikàsa ń a ↄo.

⁶ À mↄ wà wúlɛ wá gbɛɛu wà kúlɛ Dii wá Kɛna aɛ.

⁷ Asa aàpi mɛ́ wá Lua ũ, wá dɛ aà kpàsa gbɛ̃́ↄ ũɛ, aà sã pↄ́ àlɛ ń dãↄ ũ. Tó a aà lↄↄ mà gbã,

⁸ ásu swã́gbãakɛ lá á deziↄ kɛ̀ Mɛliba gↄↄ pↄ́ aa ku Masa guwaiwaiuwao.

⁹ Baa kɛ́ aa ma yãkɛaↄ è, aa ma yↄ̃ aa ma gbãa lɛgwà.

¹⁰ Ɔ̃ má ye ń gĩyãio e wɛ̃̀ bla, ma mɛ̀ gbɛ̃́ sã́sãaↄnɛ, aa ma yãkɛaↄ dↄ̃o.

¹¹ Má ò ń mazĩao ń pↄfɛ̃o ma mɛ̀, aa gɛ̃ ma kã́mabokĩiuo.

Lean sinn:

Ceanglaichean taic

Sanasan