Soũ 91 - Bòó Bibeli Luayãtaala

Lua mɛ́ wá dↄ̃̀ana ũ

¹ Gbɛ̃́ pↄ́ ulɛa Musude ↄ guu, mɛ́ a ku Gbãapiide uei,

² ì mɛ Dii mɛ́ a zɛgikĩi ũ, a Lua mɛ́ a ulɛkĩi ũ, á aà náai vĩ.

³ A n si kaiwa, a n suaba ń gagyão.

⁴ A n sↄlↄ a pↄlɛu, ńyↄ̃ↄ ulɛa aà kúlukulunau. Aà náai mɛ́ aↄ dɛ n sɛ̀ngbao ũ.

⁵ Gwãasĩn pↄ́ↄ ń fãanɛ kà kpán'ãaↄ an kee vĩa a n kũo,

⁶ ge gagyã pↄ́ ìↄ bɛ gusiau ge gyãkawɛ̃lɛ pↄ́ ì ń le fãanɛ gbãa.

⁷ Baa tó gbɛ̃ↄn ↄ̀aa sↄo lɛ́ kwɛ́ n saɛ, ge gbɛ̃ↄn ↄ̀aasↄsↄo lɛɛ kwi lɛ́ fu n ↄplaai, pↄe a n leo.

⁸ Wɛzu ǹ gwa, ńyↄ̃ e lá wì ĩada vãikɛnaↄwa.

⁹ Tó n Musude dìlɛ n ulɛkĩi ũ, mɛ́ n Dii dìlɛ n kúkĩi ũ,

¹⁰ vãie a sↄ̃nzio, músi a gɛ̃ n uao.

¹¹ Asa a n yã́ o a malaikaↄnɛ aa n dↄ̃́a gu pↄ́ ńlɛ gɛ́u píiɛ.

¹² Aa ↄdama, kɛ́ ńsu gɛ̃nalɛ gbɛwao yã́i.

¹³ Ńyↄ̃ táa'o nↄ̀ↄmusuwa ń kyã́o, ńyↄ̃ ↄ̃zↄ̃ nↄ̀ↄkusiwa ń mlɛ̃̀ pãsĩo.

¹⁴ Dii mɛ̀: Lá à nàmazi, má aà bↄ, lá a ma dↄ̃, má aà sɛ musu.

¹⁵ A lɛzumazi, mí wewà. Tó yã́ nàɛwà, máↄ kuaànↄ, má aà suaba, mí aà kpɛla.

¹⁶ Má báaadaaàgu ń wɛ̃ni gbã̀ao, má aà suaba, i pↄnakɛò.

Lean sinn:

Ceanglaichean taic

Sanasan