Soũ 85 - Bòó Bibeli Luayãtaala

Isailiↄ aafia wabikɛa

¹ Kole buiↄ lɛ.

² N báaadà n bùsuu, Dii, n su ń Yakↄbu buiↄ ń pá ziu.

³ N n gbɛ̃́ↄ tàaeↄ wòlomá, n ń duuna kɛ̃̀má píi.

⁴ N pↄ wèemá, n n pↄkũma pãsĩ kpà kpɛ.

⁵ Suwanↄ wá pá ziu, Lua wá Suabana, kpɛ̃nɛ pↄ́ ń kɛ̀wanↄ suumpa.

⁶ N pↄ aↄ paawázi gↄↄpii yã̀? Ńyↄ̃ↄ n pↄfɛ̃gↄↄ gága wɛ̃ ń wɛ̃o yã̀?

⁷ Ńyↄ̃ ɛa ǹ n gbɛ̃́ↄ lɛ́ ń láo kɛ́ an pↄ e kɛma nao lé?

⁸ Dii, ǹ n gbɛ̃kɛ ↄlↄwɛ̃ɛ, wá suaba ń n gbãao.

⁹ Ma swã́ dↄ Dii Lua yã'oai, asa ì aafia lɛgbɛ̃ a yãmanaↄnɛɛ, tó aai ɛa sù ń mìsaiyãↄwao.

¹⁰ Aà vĩakɛnaↄ suabaa zã̀o, kɛ́ aà gawi e àↄ kú wá bùsuu yã́i.

¹¹ Gbɛ̃kɛ ń náaio kpàaũ, yã́zɛde ń aafiao ↄkpàkↄ̃wa.

¹² Náai ì ↄ poo musu, yã́zɛde ì ↄnↄnↄ zĩ́lɛi.

¹³ Dii a maakɛwɛ̃ɛ, wá tↄↄlɛ i blɛkɛ.

¹⁴ Yã́zɛde ìↄ bɛ aà aɛ, ì zɛ́ kɛkɛɛ̀.

Lean sinn:

Ceanglaichean taic

Sanasan