Soũ 83 - Bòó Bibeli Luayãtaala

Isailiↄ ń ibɛɛↄ kaa Luawa

¹ Asafa lɛ.

² Lua, ńsu ǹyↄ̃ nílɛao, ń lɛ́ su àↄ kpaaũao, ńsu ǹyↄ̃ ku kílikilio, Lua.

³ Ǹ ń ibɛɛↄ gwa, asa aalɛ kãa, n wɛ̀lɛpiↄ lɛ́ ń mi fu.

⁴ Aalɛ ↄ̃nↄsↄpɛ́lɛ n gbɛ̃́ↄnɛ, aalɛ lɛkpaaĩ ń yenzideↄzi.

⁵ Aalɛ mɛ: À mↄ wà ń buibↄ, an tↄ́ Isaili su àↄ dↄ gbɛ̃egu lↄo.

⁶ Aa lɛkpàaĩ, an lɛ́ kↄ̃sɛ̀, aa lɛdoũkɛ̀ ń kↄ̃o aa fɛlɛnnↄ.

⁷ Ɛdↄũↄ ń Isimaɛla buiↄ ń Mↄabuↄ ń Hagaa buiↄ

⁸ ń Gebalideↄ ń Amↄniↄ ń Amalɛkiↄ ń Filitɛ̃ↄ ń Tiideↄ.

⁹ Baa se Asiliↄ nàmá lↄ, aalɛ ↄda Lↄtu buipiↄwa.

¹⁰ Kɛnɛ́ lá ń kɛ̀ Madiãↄnɛwa, lá ń kɛ̀ Sisela ń Yabɛ̃oɛ Kisↄ̃i.

¹¹ N ń kɛ́ kɛ́lɛkɛlɛ Ɛndoo, aa gↄ̃̀ kálɛa tↄↄlɛ lán pↄgbↄ̃wa.

¹² Kɛ ń gbɛ̃zↄ̃ↄↄnɛ lá wa kɛ̀ Olebu ń Zeebuoɛwa. Kɛ ń kíaↄnɛ lá wa kɛ̀ Zɛba ń Zalemunaoɛwa.

¹³ Ampiↄ mɛ́ ò yãa aa mɛ̀, wà Lua dã́dãkɛkĩi sɛ́ ń pↄ́ ũ.

¹⁴ Ma Lua, to aa gↄ̃ lakɛɛ ũ lán ése ṹa pↄ́ ĩ́ana ì sɛ́lɛwa.

¹⁵ Lá dào ì tɛ́kũ, ge lá tɛ́ ì gbɛ̀sĩsĩ sãsã,

¹⁶ pɛ́lɛńzi ń n zàao màa, n ĩ́an pãsĩ i to sↄ̃ kɛ̃́ńgu.

¹⁷ To an gɛɛ gↄ̃ kpá ń wɛ́i, aai n gbãa dↄ̃ Dii.

¹⁸ Wí líↄ ń kṹ gↄↄpii ń bílio, aa kpɛbↄ aa midɛ,

¹⁹ kɛ́ aa e dↄ̃ kɛ́ n tↄ́n Dii, ḿmɛ ń Musude ũ dṹniau píi.

Lean sinn:

Ceanglaichean taic

Sanasan