Soũ 81 - Bòó Bibeli Luayãtaala

Isailiↄ dikpɛ lɛ

¹ Asafa lɛ.

² À guladↄ Lua wá gbãawa. À kúkuakɛ Yakↄbu buiↄ Luaɛ.

³ À bↄ ń lɛo, í bala lɛ́ ń mↄↄna'ↄ nao ń domao.

⁴ À kuupɛ mↄbↄzĩ, í pɛ́ a vua zã́ wá dikpɛgↄↄ,

⁵ asa a dɛ ikoyã ũ Isailiↄnɛɛ. Yã́ pↄ́ Yakↄbu buiↄ Lua dìlɛn we.

⁶ À yã́pi dà Yosɛfu buiↄnɛ gↄↄ pↄ́ à ã̀na Egipiↄwa. Aa lↄↄ pↄ́ aai ma yãao mà à mɛ̀:

⁷ Ma aso gò á gã̀u, ma á ↄ bↄ̀ ɛ̃u.

⁸ A wiilɛ̀a taasikɛgↄↄ, ↄ̃ ma á bↄ́, má wèwá asii guu ń louvĩao. Ma á lɛ́ ma á gwá Mɛliba í kĩ́i.

⁹ À swã́kpa ma gbɛ̃́ↄ, mí lɛdawá. Á Isailiↄ, à ma yãma lé!

¹⁰ Ásu àↄ dii pãle vĩo, ásu kúlɛ dii zĩ̀loɛo.

¹¹ Mámɛ má Dii á Lua ũ, ma á bↄ́lɛ Egipiɛ. À á lɛ́ ɛlɛ, mí tó à kã́.

¹² Ɔ̃ Isailiↄ i ma yãmao, ma gbɛ̃́piↄ i misiilɛmɛɛo.

¹³ Ɔ̃ ma ń tó ń ń swã́gbãao, aa tɛ́ ńzĩa pↄeãi.

¹⁴ Tó Isailiↄ sↄ̃́amazi, tó ma gbɛ̃́piↄ tɛ ma yã́i,

¹⁵ dↄ̃ ma ń ibɛɛↄ bùsanɛ́ gↄ̃̀ↄgↄ̃ↄ, ma ↄzↄ̃̀ ń wɛ̀lɛpiↄzi.

¹⁶ Ma zangudeↄ i vlãnau ma aɛ, an ĩadama aↄ láaa vĩo.

¹⁷ Mí á gwa ń pↄ́wɛn gawideo, mí gbɛ̀ zↄ́'i kpáwá à kã́.