Bìoball air-loidhne

Soũ 80 - Bòó Bibeli Luayãtaala

Isailiↄ sua ń pá ziu wabikɛa

¹ Asafa lɛ.

² Swã́kpa Isailiↄ Dↄaana, n gbɛ̃́ pↄ́ ni Yosɛfu buiↄ dã lán sãↄwa. Bↄ gupuau, n gbɛ̃́ pↄ́ ń zↄ̃lɛa malaika gã̀sĩadeↄ zãnguo,

³ ní dↄaa Ɛflaiũ buiↄnɛ ń Bɛ̃yãmɛɛ buiↄ ń Manase buiↄ. Fɛlɛ ń n gbãao, mↄ ǹ wá suaba!

⁴ Lua, to wà ɛa su wá pá ziu. wá wɛ́ gwa wà aafia e.

⁵ Dii Lua Zĩgↄ̃de, ńlɛ pↄbↄ n níu e tia, ńyↄ̃ n gbɛ̃́ↄ wabikɛa mamá bↄɛ ni?

⁶ N wɛ́'i kpàmá blɛ ũ, n ń wɛ́'i yↄ̃̀nɛ́ pↄ́ pai aa mì.

⁷ Ń tò wa gↄ̃ láanipↄ ũ wá saɛdeↄnɛ, wá ibɛɛpiↄ lɛ́ wá kɛ pↄ́ↄpↄↄ.

⁸ Lua Zĩgↄ̃de, to wà su wá pá ziu, wá wɛ́ gwa wà aafia e.

⁹ N vɛ̃ɛli wò Egipi, n buipãleↄ yà ↄ̃ ń pɛ̀ ń gbɛu.

¹⁰ N gukɛ̀kɛɛ̀, à zĩ́napɛ̀lɛ, ↄ̃ à ↄtà à a bùsu pà.

¹¹ A uedà gbɛ̀sĩsĩↄla, a gↄ̃naↄ dɛ sɛdɛ lí zↄ̃ↄↄla.

¹² À ↄtà à gɛ̀ e ísialɛ, a ↄnɛↄ gɛ̀ e Uflatai.

¹³ Bↄ́yãi n a kaa gbòo, gbɛ̃́ pↄ́ lɛ́ gɛ̃zɛaↄ ìↄ ↄmalɛii?

¹⁴ Dào sàwa ì lɛ́ kái, sɛ̃̀anↄbↄↄ ì mↄ a lá blei.

¹⁵ N yã́ na! Lua Zĩgↄ̃de, wá wɛ́ gwa! Kua za musu wɛzu ǹ gwa! Laaidↄ vɛ̃ɛlipiwa,

¹⁶ bui pↄ́ ń pɛ̀ nzĩa, nɛ́ pↄ́ ń sì n pↄ́ ũpi.

¹⁷ Wà n vɛ̃ɛlipi zↄ̃̀ wà tɛsↄ̃̀wà. Wɛ́ pãsĩ biimá aa midɛ.

¹⁸ Ɔda gbɛ̃́ pↄ́ kú n ↄplaaiwa, gbɛ̃nazĩn nɛ́ pↄ́ ń sì n pↄ́ ũ.

¹⁹ Wá kɛ̃́ma lↄo. Wá lɛ́ ń láo, wí n sísi.

²⁰ Dii Lua Zĩgↄ̃de, to wà su wá pá ziu, wá wɛ́ gwa wà aafia e.

Lean sinn:

Ceanglaichean taic

Sanasan