Soũ 8 - Bòó Bibeli Luayãtaala

Lua zↄ̃ↄkɛ oa

¹ Davidi lɛ.

² Dii wá Dii, n tↄbↄ̀ dṹnia guu, n gawi bↄ̀ gupuau musu.

³ Ń dà nɛ́fɛ̃nɛnaↄnɛ ń nɛ́ yↄ̃minaↄ aa n táasilɛ, kɛ́ n ibɛɛↄ ń n wɛ̀lɛↄ nílɛ yã́i, n mↄakanaↄ lɛ́ i gↄ̃ kpaaũa.

⁴ Kɛ́ ma n zĩ gwà musu, mↄvua ń saana pↄ́ ń pɛ̀pɛ weↄ,

⁵ ma mɛ̀ bↄ́n gbɛ̃nazĩna ũ an yã́ ìↄ dↄngui? Bↄ́n ń ũ ni laaidↄmái?

⁶ N aà kɛ̀ kɛ̃́sãa malaikaↄzi gↄↄpla, n aà kpà kpalau ń gawio ń bɛɛɛo.

⁷ Ń tò à iko vĩ pↄ́ pↄ́ ń kɛ̀ↄwa, ń tò pↄ́pii misìilɛɛ̀,

⁸ sãↄ ń zuↄ ń sɛ̃̀anↄbↄↄ píi,

⁹ bãↄ ń kpↄↄ ń pↄ́ pↄ́ kú ísia guuↄ.

¹⁰ Dii wá Dii, n tↄbↄ̀ dṹnia guu.

Lean sinn:

Ceanglaichean taic

Sanasan