Soũ 75 - Bòó Bibeli Luayãtaala

Lua mɛ́ yã́kpalɛkɛna ũ

¹ Asafa lɛ.

² Wa n sáaukɛ̀ Lua, wa n sáaukɛ̀. Tó wà n yãbↄnsaɛↄ galikɛ̀, ń kú kãi.

³ Lua mɛ̀: Ma gↄↄ dìlɛ, má yã́kpalɛkɛ a zɛ́wa.

⁴ Tó dṹnia dèe, a gbɛ̃́ↄ lɛ́ kɛ sèee, mámɛ mi a gbapɛlɛ kṹ gíũgiũ.

⁵ Mi o yↄ̃̀ↄdeↄnɛ aasu ń gasa fɛlɛo, mi o vãikɛnaↄnɛ aasu káakuo.

⁶ Ásu à á gasa fɛlɛao, ásu kàamai kɛmanↄo.

⁷ Asa gbãa lí bↄ gukpɛ ge bɛ'aɛo, ìli bↄ guwaiwai guu no,

⁸ Lua mɛ́ yã́kpalɛkɛna ũ, ↄ̃mɛ ì gbɛ̃do sↄ̃ↄlɛ, ì gbɛ̃do fɛlɛ.

⁹ Imibↄ ku Dii ↄzĩ, í gbãa ka a pai, àlɛ pí aà pↄkũma ũ. Ì kↄ́lɛ dṹnia vãikɛnaↄwa píi, ↄ̃ aaì mi wesai ń a gbↄ̃ↄ.

¹⁰ Mapi sↄ̃ máↄ yã́pi o gↄↄpiiɛ, mí Yakↄbu Lua táasilɛ.

¹¹ Má vãikɛnaↄ gasa kwɛ́, gbɛ̃maaↄ gasa iↄ ku musu.

Lean sinn:

Ceanglaichean taic

Sanasan