Soũ 67 - Bòó Bibeli Luayãtaala

Báaa gbɛaa Luawa

¹ Lɛ pↄ́ wì sí ń kúuↄɛ.

² Lua, wá wɛ̃nagwa, wá wɛ́ gwa, ní báaadawágu,

³ kɛ́ dṹnia gbɛ̃́pii n zɛ́ dↄ̃, bui píi i dↄ̃ lá ni gbɛ̃́ suaba.

⁴ Wa n táasilɛ Lua, gbɛ̃́pii a n táasilɛ.

⁵ Bui píi a pↄnakɛ, i gulakɛ, asa ni yã́kpalɛkɛ ń gbɛ̃́ↄ a zɛ́wa, ni dↄaa buiↄnɛ píi.

⁶ Wa n táasilɛ Lua, gbɛ̃́pii a n táasilɛ.

⁷ Tↄↄlɛ a blɛkɛ, Lua wá Lua a báaadawágu.

⁸ Lua a báaadawágu, gbɛ̃́pii i vĩakɛɛ̀ e dṹnia lɛ́wa.