Soũ 64 - Bòó Bibeli Luayãtaala

Ma si gbɛ̃vãiↄwa

¹ Davidi lɛ.

² Lua, ma aaukɛa wii ma, ma bↄ ma ibɛɛ pↄ́ má ń vĩa vĩↄ ↄzĩ.

³ Ma si gbɛ̃vãiↄ lɛkpaaĩamaziwa, ma bↄ vãikɛnaↄ zↄau.

⁴ Aaì ń lɛ́ kɛkɛ lán fɛ̃ndawa, aaì yãpãsĩↄ o lán kazuawa.

⁵ Aaì ye láu aa tàaesaide gbã́, aaì aà pá kã́ndo, vĩa lí ń kṹo.

⁶ Aaì tɛ́kpakↄ̃u ń vãikɛa guu, aaì bai pↄ́ aalɛ kpánɛ́ↄ yã'o. Aaì mɛ: Gbɛ̃e a wá eo.

⁷ An vãi lɛkpaaĩa kↄ̃sɛ̀ aa mɛ̀, lɛ́ pↄ́ wá kpàaĩ bↄ̀lɛi. Gbɛ̃nazĩna nↄ̀sɛ guu yã́ↄ asii zↄ̃ↄ.

⁸ Ãma Lua a ń gbã́ ń kao, a ń kɛ'ĩa kã́ndo.

⁹ A tó yã́ pↄ́ aa ò wí ń musu, gbɛ̃́ pↄ́ ń é píi iↄ mikɛ déũdeũ.

¹⁰ Vĩa a gbɛ̃́pii kṹ, aai Lua yãkɛaↄ galikɛ, aaiↄ zĩ pↄ́ a kɛ̀ↄ tàasi kũa.

¹¹ Gbɛ̃maaↄ pↄ a kɛ Diiwa na, aa naaàzi, nↄ̀sɛpuadeↄ aà táasilɛ ḿpii.

Lean sinn:

Ceanglaichean taic

Sanasan