Soũ 63 - Bòó Bibeli Luayãtaala

Lua nidɛa

¹ Lɛ pↄ́ Davidi dà gↄↄ pↄ́ a ku Yuda gbáau.

² Lua, ma Luan n ũ, málɛ n aɛya, ma nisĩna yenzi, málɛ n nidɛ lán guwaiwai pↄ́ lɛ́ í nidɛwa.

³ Ma n e n kúkĩi, ma n gbãa ń n gawio gwà.

⁴ N gbɛ̃kɛ maamɛɛ dɛ wɛ̃nia, a yã́i n táasilɛa aↄ dↄ ma lɛ́u.

⁵ Máↄ n sáaukpa e ma wɛ̃ni lɛ́u, má ↄsɛ musu mà n sísi.

⁶ Má kã́ lá wì nↄ̀ↄ bↄ́ↄ gbɛ̃ wà kãwa, n táasilɛa aↄ dↄ ma lɛ́u ń gulakɛao.

⁷ N yã́ ì dↄmagu ma wúlɛkĩi, mi làasookɛma gwãasĩna.

⁸ Málɛ lɛsi sↄlↄa ń kúlukulunau, asa ḿmɛ ń ma dↄnlɛde ũ.

⁹ Ma nisĩna yenzi, ń ma kũa n ↄplaau.

¹⁰ Gbɛ̃́ pↄ́ aalɛ ma wɛↄ midɛ, aa si tↄↄlɛ nↄnau.

¹¹ Lua a to wà ń dɛdɛ ń fɛ̃ndaoɛ, aai gↄ̃ gbɛ̃gbonaↄ blɛ ũ.

¹² Kí sↄ̃ a pↄ a kɛ ń Luawa nao. Gbɛ̃́ pↄ́ mɛ̀ amↄↄma Lua á sìò aↄ vĩvĩ ń pↄnaoɛ, ɛɛdeↄ sↄ̃ an lɛ́ a gↄ̃ kpaaũaɛ.

Lean sinn:

Ceanglaichean taic

Sanasan